MAZMUR 82 - Hakcipta - Biatah Bidayuh

Tapa, Pimritah adi Siabo Bigatung

¹ Tapa kuka udung shorga; darŭm bara tapa tikuruk Ayŭh matŭd itong-I:

² “Angān dŭh siŭn dŭh ko nggen bisara dŭh ngga pinyitŭnggŭn; angān dŭh siŭn tia marad ka daya adi ginaka!

³ Ngibān hak daya adi sirata ngga anak tumang; tŭnggŭn di pingatur ngan yŭn daya adi rumuh ngga adi dŭh biyŭn kuasa.

⁴ Pirupas ngara so kuasa daya ginaka.

⁵ “Munki masam bawa-i angān! Raru budo! Angān mbŭh sukup arap, ka pinyitŭnggŭn mbŭh miyap so ong.

⁶ ‘Angān tapa,’ Aku nang; ‘sopŭrŭg ngan inŭh bara anak-I adi Sambu Sopŭrŭg.’

⁷ Pak angān re kabŭs mun manusia; asŭng ngan re abo mun tung bara pinguasa gŭh”

⁸ Mandŭg, O Tapa, ka mritah ong; sopŭrŭg bangsa mbŭh tung jamai.