MAZMUR 8 - Hakcipta - Biatah Bidayuh

Bragah Tapa ngga Rawā Manusia

¹ O TUHAN, TUHAN ami, Bās Mai dog kiris di ndi ong ong! Bragah Mai ndŭg rangit;

² anŭ dog nyiragu bara anak-anya ngga sipira. Kaam siramat ka pagŭng so sopŭrŭg pinganyu Mai; Kaam pirŭŭ tadŭ daya adi matah Kaam.

³ Kan aku tingga rangit, adi mbŭh Mai napa, buran ka dudu bitang, adi mbŭh Mai na di yŭn-i —

⁴ ani anŭ manusia, ka Kaam siŭt ngara; adi bisa kabŭs, ka Kaam kingat ngara?

⁵ Pak Kaam napa ngara bada kurang adŭ-i so adŭp Mai; Kaam na makota ngara ngga bragah ka stabi.

⁶ Kaam tijuan ngara pimritah di tunduh sopŭrŭg kayuh adi napa Mai; di tunduh sopŭrŭg kayuh adi dog napa:

⁷ biri ngga sapi, samŭn sopŭrŭg dāng tarun;

⁸ manuk manuk ngga iken ka dāng di rawŭt.

⁹ O TUHAN, TUHAN ami, Bās Mai dog kiris di ndi ong ong!