MAZMUR 46 - Hakcipta - Biatah Bidayuh

Tapa agi ngga Ata

¹ Tapa inŭh pinyigrindung ta ka pinyibake ta, ari sidia an turung di tipuh susah.

² Jadi ata dŭh re taru, sunggu bait kani tana bigugoh ka darŭd rabu ka rasan rawŭt;

³ sunggu bait kani rawŭt magā ngga girumbang bās, ka dudu sandah bigugoh bada-i.

⁴ Agi sungi adi taban pinyigaŭn ka kupo Tapa, ka ramin kudus-I adi Sambu Sopŭrŭg.

⁵ Tapa agi di kupo anŭ, ka-i dŭh re dog nyirubuh; di tika babŭ siri jawa Ayŭh re mandŭg di turung-i.

⁶ Bangsa bangsa mbŭh taru, pritah mbŭh bigugoh; Tapa bidudū, ka ong re riris.

⁷ TUHAN Bisa-pŭrŭg agi ngga ata; ka Tapa Jacob inŭh pinyigrindung ta.

⁸ Mandŭg ka tingga kayuh adi TUHAN mbŭh ndai. Tingga pingandai nginga adi Ayŭh mbŭh ndai di ong.

⁹ Ayŭh pirŭŭ perang di ndi ong ong; Ayŭh mata bawŭh panah, pirusak jarok, ka badang pinangin.

¹⁰ “Ko biperang,” Ayŭh nang, “ka puan meh Aku ati Tapa, bās di tunduh sopŭrŭg bangsa, ngga di ndi ong ong.”

¹¹ TUHAN Bisa-pŭrŭg agi ngga ata; Tapa Jacob inŭh pinyigrindung ta.