MAZMUR 3 - Hakcipta - Biatah Bidayuh

Dua Isan Isan ngga Mite Turung

¹ Aku biyŭn bagŭ pinganyu, TUHAN, ruai bagŭ adi rawan aku!

² Ngara ngitong aku ka nang, “Tapa dŭh re turung ayŭh.”

³ Pak Kaam, O TUHAN, adi ari jadi pinangin ku so pinyusah; Kaam nggen pimanang di aku ka bada aku pagan dinge.

⁴ Aku bagan, mite turung so TUHAN, ka so sandah kudus-I Ayŭh nam aku.

⁵ Aku guring ka bŭŭs, ka ndi ngarŭm ngarŭm TUHAN grindung aku.

⁶ Aku dŭh taru ribu ribu pinganyu adi kirurung aku so barang parad.

⁷ Mandŭg, TUHAN! nyiramat aku, Tapa ku! Kaam ngukum sopŭrŭg pinganyu ku ka tandah ngara bada dŭh tungang kinaman aku.

⁸ Pimanang mandŭg so TUHAN — isa-i Ayŭh nyiberkat bara daya-I.