MAZMUR 24 - Hakcipta - Biatah Bidayuh

Raja Bās

¹ Ong ka sopŭrŭg adi agi dieh tung TUHAN; tana ka sopŭrŭg adi udip di tunduh-i tung jangi.

² Ayŭh pijog-i di tunduh piin di ribo tana, ka na puun pinagap rasan-i di rasan rawŭt.

³ Asi biyŭn hak re maad sandah TUHAN? Asi siŭn mŭrŭt ka darŭm Ramin Mai adi kudus?

⁴ Ngara adi bisig darŭm pingandai ngga pikir-kira, adi dŭh nyambah tibudo bait adi dŭh ndai janji kadong.

⁵ TUHAN re nyiberkat ka nyiramat ngara; Tapa re natu ngara dŭh sarah.

⁶ Ngara inŭh daya adi mandŭg ka Tapa, adi mandŭg ka nyambah Tapa Jacob.

⁷ Kuka tiban-bās kupo, kuka tiban jah, ka raja bās re mŭrŭt.

⁸ Asi raja bās anŭ? Ayŭh inŭh TUHAN, bake ka bikuasa, TUHAN, adi ari manang darŭm biperang.

⁹ Kuka tiban-bās kupo, kuka tiban jah, ka raja bās re mŭrŭt.

¹⁰ Asi raja bās anŭ? TUHAN adi manang — Ayŭh inŭh raja bās!