MAZMUR 15 - Hakcipta - Biatah Bidayuh

Kayuh adi Tapa Raan

¹ TUHAN, asi re mŭrŭt Ramin Mai? Asi siŭn nyambah di Zion, sandah kudus Mai?

² Ngara adi tunda pinganang Tapa darŭm sopŭrŭg kayuh ka ari ndai kayuh adi batur; pinganang ngara agi batur ngga sawŭ,

³ ka dŭh-i kinarap daya bŭkŭn. Ngara dŭh ndai sarah di dingan ngara, dŭh gŭh pigarau arap rasū-i.

⁴ Ngara ngamun daya adi Tapa tirawan, pak stabi di ngara adi tunda pinganang TUHAN. Ngara ari ndai kayuh adi ngara bijanji, dŭh kira rugi.

⁵ Ngara nginjam duit ka daya ka dŭh kira anak duit, ka dŭh dapŭd dog nyuap da nggen taksi kadong rawan daya adi dŭh sarah. Asi asi adi ndai simŭnŭ re ari siramat.