MAZMUR 141 - Hakcipta - Biatah Bidayuh

Dua Singumi Andu

¹ Aku bagan Kaam, TUHAN, turung aku madin! Dingah aku kan aku bagan Kaam.

² Kambat dua ku keya ka kimanyan, tangan adi aku pakat keya ka sadis singumi andu.

³ TUHAN jaga pinganang ku, ka jaga baba ku kan aku minyu.

⁴ Pijo aku so pinyiraan ndai kraja arap ka so pinyiraan tunda daya arap ndai pingandai ginaka. Isa-i aku dŭh sua di gawai ngara.

⁵ Daya kana bisa ngukum aku ka ngajar aku ngga mandis, pak aku dŭh re trima stabi so daya adi arap, sabab aku ari bidua rawan pingandai arap ngara.

⁶ Kan pimritah ngara dog taran so jenjang batuh, daya re ngaku pinganang ku sawŭ.

⁷ Mun apŭg kayuh dog mire ka dog nŭtŭb bada prisupek, simŭnŭ inŭh turang ngara di bŭngŭn rubang kubur.

⁸ Pak aku babŭ sabah di Kaam, TUHAN adi Raja ku. Aku mite pinyigrindung Mai; dŭhnyah tandah aku kabŭs!

⁹ Grindung aku so jarat adi ngara mbŭh tŭŭn ngga nakap aku. so jaring daya adi arap.

¹⁰ Isa-i daya ginaka dog jarat adŭp ngara ka aku, dŭh mani mani.