MAZMUR 136 - Hakcipta - Biatah Bidayuh

Nyanyi Trima Kaseh

¹ Nggen trima kaseh di TUHAN, sabab Ayŭh kana; pinyirindu-I tan adu adu.

² Nggen trima kaseh di Ayŭh adi siabo bās so sopŭrŭg tapa; pinyirindu-I tan adu adu.

³ Nggen trima kaseh di TUHAN adi rabis Bikuasa so sopŭrŭg tuhan; pinyirindu-I tan adu adu.

⁴ Ayŭh sadi adŭ adi ndai pingandai-nginga adi bās; pinyirindu-I tan adu adu.

⁵ Ngga pinyibijak-I Ayŭh napa rangit; pinyirindu-I tan adu adu;

⁶ Ayŭh pijog ong di tunduh piin tŭrŭp; pinyirindu-I tan adu adu.

⁷ Ayŭh napa batŭh andu ngga buran; pinyirindu-I tan adu adu;

⁸ batŭh andu mritah sandu; pinyirindu-I tan adu adu;

⁹ buran ngga bitang mritah singarŭm; pinyirindu-I tan adu adu.

¹⁰ Ayŭh siŭ anak pinuai dari daya Egypt; pinyirindu-I tan adu adu.

¹¹ Ayŭh nguru daya Israel ruah so Egypt; pinyirindu-I tan adu adu;

¹² ngga tangan-I adi bake, pupung-I adi bikuasa; pinyirindu-I tan adu adu.

¹³ Ayŭh mire nyinuwŭh Rawŭt Bireh; pinyirindu-I tan adu adu;

¹⁴ Ayŭh nguru daya-I mutas-i; pinyirindu-I tan adu adu;

¹⁵ pak Ayŭh pirŭnggŭd raja Egypt ngga bara soldadu-i; pinyirindu-I tan adu adu.

¹⁶ Ayŭh nguru daya-I mutas tarun tana-pajam; pinyirindu-I tan adu adu.

¹⁷ Ayŭh siŭ raja raja adi bikuasa; pinyirindu-I tan adu adu;

¹⁸ Ayŭh siŭ raja raja adi timagah; pinyirindu-I tan adu adu;

¹⁹ Sihon, raja daya Amor; pinyirindu-I tan adu adu;

²⁰ ka Og, raja daya Bashan; pinyirindu-I tan adu adu.

²¹ Ayŭh nggen tana ngara di daya-I; pinyirindu-I tan adu adu;

²² Ayŭh nggen-i di Israel, urun-I; pinyirindu-I tan adu adu.

²³ Ayŭh dŭh kambŭt ata kan ata dog ngarah; pinyirindu-I tan adu adu;

²⁴ Ayŭh pirupas ata so pinganyu ta; pinyirindu-I tan adu adu.

²⁵ Ayŭh nggen pinguman di sopŭrŭg adi ngasŭng; pinyirindu-I tan adu adu.

²⁶ Nggen trima kaseh di Tapa di shorga; pinyirindu-I tan adu adu.