MAZMUR 128 - Hakcipta - Biatah Bidayuh

Upah amai Nundok di TUHAN

¹ Sanang inŭh ngara adi dingah pinganang TUHAN, ngara adi udip ngga pinyipesan-I.

² Pingandai ngan re taban utung ka angān; angān re sanang ka mujur.

³ Sawŭn ngan re keya ka tŭngŭn anggor adi pimuah di ramin arŭn ngan, ka anak anak ngan re jadi keya ka tŭngŭn tŭngŭn kanā adi mara maning mija ngan.

⁴ Daya adi tunda pinganang TUHAN re sawŭ dog nyiberkat mun anŭ.

⁵ Isa-i TUHAN nyiberkat angān so Zion! Isa-i angān kiris Jerusalem mujur sitŭkŭd udip ngan!

⁶ Isa-i angān udip tui siŭn dapŭd kiris sukuh ngan! Udip bamai di Israel!