JOSHUA 12 - Hakcipta - Biatah Bidayuh

Raja Raja adi Moses Ngarah

¹ Daya Israel taŭn muko sirabut ka ngisi tarun tana tura ka timor yang Jordan, so Rubān Arnon ndŭg Rubān Jordan jeh ndŭg Darŭd Hermon di tura ka utara. Ngara ngarah duwŭh naan raja.

² Ndi naan dŭn Sihon, raja Amor adi mritah di Heshbon. Sitangah tarun tana Gilead mŭrŭt pritah-i: so Aroer (di bŭngŭn Rubān Arnon) so kupo adi di yun rubān anŭ, jeh ndŭg Yang Jabbok, adi baat Ammon;

³ samŭn Rubān Jordan so Danu Galilee ka siratan nuju Beth Jeshimoth (tura ka timor Rawŭt Pide) ka nuju sigŭn Darŭd Pisgah.

⁴ Ngara ngarah gŭh raja Og so Bashan, ndi naan so sikasŭn bara daya Rephaim. Ayŭh mritah di Ashtaroth ngga Edrei.

⁵ Tarun adi-i mritah inŭh samŭn Darŭd Hermon, Salecah, ngga sopŭrŭg tarun tana Bashan jeh ndŭg baat Geshur ngga Maacah, samŭn sitangah tarun tana Gilead, jeh ndŭg tarun tana Raja Sihon di Heshbon.

⁶ Duwŭh naan raja anŭ ko dog ngarah Moses ngga bara daya Israel. Moses, adi urun TUHAN, nggen tarun tana ngara di tibaran-asar Reuben ngga tibaran-asar Gad, ka di sitangah tibaran-asar Manasseh, siŭn jadi utung ngara.

Raja Raja adi Joshua Ngarah

⁷ Joshua ngga bara daya Israel ngarah sopŭrŭg raja di tarun tana tura ka barat yang Jordan, so Baalgad di rubān Lebanon ndŭg Darŭd Halak di siratan sindŭk Edom. Joshua kutung tarun tana anŭ dupan tibaran tibaran-asar Israel ka nggen-i di ngara ndu bisaka.

⁸ Tarun tana anŭ inŭh samŭn rais tarun tana sandah, sigŭn sandah tura ka barat, Rubān Jordan ngga sigŭn sigŭn sandah-i, ired ired sandah tura ka timor, ngga tarun tana badŭh tura ka siratan. Tarun tana anŭ, dawŭ-i mbŭh tarun yŭn rŭŭ daya Hitti, daya Amor, daya Canaan, daya Periz, daya Hivi, ngga daya Jebus.

⁹ Daya Israel ngarah raja raja di kupo kupo ati: Jericho, Ai (sindŭk Bethel),

¹⁰ Jerusalem, Hebron,

¹¹ Jarmuth, Lachish,

¹² Eglon, Gezer,

¹³ Debir, Geder,

¹⁴ Hormah, Arad,

¹⁵ Libnah, Adullam,

¹⁶ Makkedah, Bethel,

¹⁷ Tappuah, Hepher,

¹⁸ Aphek, Lasharon,

¹⁹ Madon, Hazor,

²⁰ Shimron Meron, Achshaph,

²¹ Taanach, Megiddo,

²² Kedesh, Jokneam (di Carmel),

²³ Dor (di bŭngŭn rawŭt), Goiim (di Galilee),

²⁴ ka Tirzah — 31 naan raja sopŭrŭg-i.