ISAIAH 12 - Hakcipta - Biatah Bidayuh

Nyanyi Trima Kaseh

¹ Andu-i re mandŭg kan daya re nyanyi nang, “Aku muji Kaam, TUHAN! Kaam mbŭh baji di aku, pak madin Kaam nyaduh aku ka dŭh tia baji.

² Tapa inŭh pinyikudip ku; aku re sabah di Ayŭh ka dŭh re taru. TUHAN nggen di aku kuasa ngga pinyibake; Ayŭh inŭh pinyikudip ku.

³ Nimun piin bisig taban pinyigaŭn ka daya adi badŭh asŭng, simŭnŭ gŭh daya Tapa gaŭn kan Ayŭh nyiramat ngara.”

⁴ Andu-i re mandŭg kan daya re nyanyi nang, “Nggen trima kaseh di TUHAN! Bagan ka mite turung so Ayŭh! Kidaan di sopŭrŭg bangsa kayuh adi Ayŭh mbŭh ndai! Kidaan di ngara Ayŭh raru bās!

⁵ Nyanyi ka TUHAN sabab kayuh bās adi Ayŭh mbŭh ndai. Bada ndi ong ong dingah pasar pingandai-I anŭ.

⁶ Bada barang naan adi rŭŭ di Zion nyirais ka nyanyi! Tapa kudus Israel inŭh bās, ka Ayŭh rŭŭ di ruang daya-I.”