1 KRONIKEL 8 - Hakcipta - Biatah Bidayuh

Sesang Benjamin

¹ Benjamin biyŭn rimŭh madis anak dari: Nanyam susud so adi pinuai, ngara inŭh Bela, Ashbel, Aharah,

² Nohah, ngga Rapha.

³ Bara sesang Bela inŭh Addar, Gera, Abihud,

⁴ Abishua, Naaman, Ahoah,

⁵ Gera, Shephuphan, ngga Huram.

^6-7 Bara sesang Ehud inŭh Naaman, Ahijah, ngga Gera. Ngara inŭh pingubak dudu rawang adi rŭŭ di Geba, pak adi mbŭh dog pibu bada rŭŭ di Manahath. Gera, adi sama Uzza ngga Ahihud, inŭh adi nguru ngara bipindah.

^8-9 Shaharaim taran duwŭh naan sawŭn-i, Hushim ngga Baara. Ripas anŭ, kan ayŭh mbŭh rŭŭ di rais Moab, ayŭh sawŭn Hodesh ka biyŭn ju madis anak dari: Jobab, Zibia, Mesha, Malcam,

¹⁰ Jeuz, Sachia, ngga Mirmah. Sopŭrŭg anak dari-i jadi pingubak rawang.

¹¹ Ayŭh gŭh biyŭn duwŭh madis anak dari-i so sawŭn-i Hushim: Abitub ngga Elpaal.

¹² Elpaal biyŭn taruh madis anak dari: Eber, Misham, ngga Shemed. Shemed inŭh adi pijog kupo Ono ngga kupo Lod samŭn anak anak kupo adi maning anŭ.

Daya Benjamin di Gath ngga Aijalon

¹³ Beriah ngga Shema inŭh pingubak rawang rawang adi rŭŭ di kupo Aijalon, ka pibu daya adi rŭŭ di kupo Gath.

¹⁴ Bara sesang Beriah inŭh Ahio, Shashak, Jeremoth,

¹⁵ Zebadiah, Arad, Eder,

¹⁶ Michael, Ishpah, ngga Joha.

Daya Benjamin di Jerusalem

¹⁷ Bara sesang Elpaal inŭh Zebadiah, Meshullam, Hizki, Heber,

¹⁸ Ishmerai, Izliah, ngga Jacob.

¹⁹ Bara sesang Shimei inŭh Jakim, Zichri, Zabdi,

²⁰ Elienai, Zillethai, Eliel,

²¹ Adaiah, Beraiah, ngga Shimrath.

²² Bara sesang Shashak inŭh Ishpan, Eber, Eliel,

²³ Abdon, Zichri, Hanan,

²⁴ Hananiah, Elam, Anthothijah,

²⁵ Iphdeiah, ngga Penuel.

²⁶ Bara sesang Jeroham inŭh Shamsherai, Shehariah, Athaliah,

²⁷ Jaareshiah, Elijah, ngga Zichri.

²⁸ Ngara anŭ inŭh, nanyam ka susud taris tibaran-asar, pingubak rawang ka pinguru adi rŭŭ di Jerusalem.

²⁹ Jeiel pijog kupo Gibeon ka rŭŭ diginŭ. Dŭn sawŭn-i Maacah,

³⁰ ka anak pinuai dari-i, Abdon. Anak anak dari-i adi bŭkŭn inŭh Zur, Kish, Baal, Ner, Nadab,

³¹ Gedor, Ahio, Zecher,

³² ngga Mikloth, adi sama Shimeah. Sesang ngara rŭŭ di Jerusalem bisindŭk ngga rawang adi bŭkŭn adi so manak anŭ gŭh.

Rawang Raja Saul

³³ Ner inŭh sama Kish, ka Kish inŭh sama Raja Saul. Saul biyŭn pat madis anak dari: Jonathan, Malchishua, Abinadab, ngga Eshbaal.

³⁴ Jonathan inŭh sama Meribbaal adi sama Micah.

³⁵ Micah biyŭn pat madis anak dari: Pithon, Melech, Tarea, ngga Ahaz.

³⁶ Ahaz inŭh sama Jehoaddah, adi sama taruh madis anak dari: Alemeth, Azmaveth, ngga Zimri. Zimri inŭh sama Moza,

³⁷ Moza inŭh sama Binea, Binea sama Raphah, Raphah sama Eleasah, ka Eleasah sama Azel.

³⁸ Azel biyŭn nŭm madis anak dari: Azrikam, Bocheru, Ishmael, Sheariah, Obadiah, ngga Hanan.

³⁹ Eshek adi jurud dari Azel biyŭn taruh madis anak dari: Ulam, Jeush, ngga Eliphelet.

⁴⁰ Bara anak dari Ulam inŭh bara soldadu adi pagan buang pandai nimbak reja-panah. Ayŭh biyŭn 150 madis anak dari samŭn bara sukuh-i. Sopŭrŭg dŭn adi mbŭh dog nyabŭt anŭ inŭh bara adi so tibaran-asar Benjamin.