1 KRONIKEL 3 - Hakcipta - Biatah Bidayuh

Bara Anak Raja David

^1-3 Ati inŭh susud, nanyam ka umbur ngara, bara anak David adi dog biranak yŭn-i di Hebron: Amnon, ka sindŭ-i Ahinoam so Jezreel Daniel, ka sindŭ-i Abigail so Carmel Absalom, ka sindŭ-i Maacah adi anak raja Talmai so Geshur Adonijah, ka sindŭ-i Haggith Shephatiah, ka sindŭ-i Abital Ithream, ka sindŭ-i Eglah

⁴ So-nŭm ngara anŭ dog biranak di Hebron sitadŭn ju sawa sitangah David mritah diginŭ. Di Jerusalem ayŭh mritah sitŭkŭd 33 sawa,

⁵ ka diginŭ bagŭ anak dari dog biranak yŭn-i. Sawŭn-i Bathsheba, anak Ammiel, biranak yŭn-i pat madis anak dari: Shimea, Shobab, Nathan, ngga Solomon.

⁶ Ayŭh biyŭn prii madis anak dari adi bŭkŭn: Ibhar, Elishua, Elpelet,

⁷ Nogah, Nepheg, Japhia,

⁸ Elishama, Eliada, ngga Eliphelet.

⁹ Nambah sopŭrŭg anak dari-i anŭ, David biyŭn gŭh anak anak dari so dayung dayung nyikŭn-i. Ayŭh biyŭn gŭh anak dayung, Tamar.

Sesang Raja Solomon

¹⁰ Ati inŭh susud taris sesang Raja Solomon, nyusud so sama ndŭg anak: Solomon, Rehoboam, Abijah, Asa, Jehoshaphat,

¹¹ Jehoram, Ahaziah, Joash,

¹² Amaziah, Uzziah, Jotham,

¹³ Ahaz, Hezekiah, Manasseh,

¹⁴ Amon, ngga Josiah.

¹⁵ Josiah biyŭn pat madis anak dari: Johanan, Jehoiakim, Zedekiah, ngga Joahaz.

¹⁶ Jehoiakim biyŭn duwŭh madis anak dari: Jehoiachin ngga Zedekiah.

Sesang Raja Jehoiachin

¹⁷ Ati inŭh bara sesang Raja Jehoiachin, adi dog tambit daya Babylonia jadi daya-takap. Jehoiachin biyŭn ju madis anak dari: Shealtiel,

¹⁸ Malchiram, Pedaiah, Shenazzar, Jekamiah, Hoshama, ngga Nedabiah.

¹⁹ Pedaiah biyŭn duwŭh madis anak dari: Zerubbabel ngga Shimei. Zerubbabel inŭh sama duwŭh madis anak dari: Meshullam ngga Hananiah, ka ndi anak dayung dŭn Shelomith.

²⁰ Zerubbabel biyŭn rimŭh madis dinge anak dari adi bŭkŭn: Hashubah Ohel, Berechiah, Hasadiah, ngga Jushab Hesed.

²¹ Hananiah biyŭn duwŭh madis anak dari, Pelatiah ngga Jeshaiah. Jeshaiah inŭh sama Rephaiah adi sama Arnan, Arnan sama Obadiah, Obadiah sama Shecaniah.

²² Shecaniah biyŭn ndi anak dari dŭn Shemaiah, ka rimŭh sukuh dari: Hattush, Igal, Bariah, Neariah, ngga Shaphat.

²³ Neariah biyŭn taruh madis anak dari: Elioenai, Hizkiah, ngga Azrikam.

²⁴ Elioenai biyŭn ju madis anak dari: Hodaviah, Eliashib, Pelaiah, Akkub, Johanan, Delaiah, ngga Anani.