Nehemiah 10 - Tedim Bible Revision 2017

¹ Tua lai tungah a min a gelh masa mite a masa pen Hilkiahʼ tapa, gam ukpa Nehemiah hi a, tua ciangin Zedekiah in zom hi. Tua ciangin

Siampite

² Seraiah, Azariah, Jeremiah,

³ Pashhur, Amariah, Makhijah,

⁴ Hattush, Shebaniah, Maluk,

⁵ Harim, Meremoth, Obadiah,

⁶ Daniel, Ginnethon, Baruk,

⁷ Meshullam, Abiah, Mijamin,

⁸ Maaziah, Bigai le Shemaiah in gelh uh hi.

Levi mite

⁹ Azaniahʼ tapa Jeshua, Henadad-te beh Binnui, Kadmiel,

¹⁰ Shebaniah, Hodiah, Kelita, Pelaiah, Hanan,

¹¹ Mika, Rehob, Hashabiah,

¹² Zakkur, Sherebiah, Shebaniah,

¹³ Hodiah, Bani le Beninu ahi uh hi.

Ukpite

¹⁴ Parosh, Pahathmoab, Elam, Zattu, Bani,

¹⁵ Bunni, Azgad, Bebai,

¹⁶ Adonijah, Bigvai, Adin,

¹⁷ Ater, Hezekiah, Azzur,

¹⁸ Hodiah, Hashum, Bezai,

¹⁹ Harif, Anathoth, Nebai,

²⁰ Magpiash, Meshullam, Hezir,

²¹ Meshezabel, Zadok, Jaddua,

²² Pelatiah, Hanan, Anaiah,

²³ Hoshea, Hananiah, Hasshub,

²⁴ Halohesh, Piha, Shobek,

²⁵ Rehum, Hashabnah, Maaseiah,

²⁶ Ahiah, Hanan, Anan,

²⁷ Maluk, Harim le Baanah-te ahi uh hi.

²⁸ A om lai Israel mite, siampite, Levi mite, kongcingte, lasate, biakinn nasemte, a zite a tapate le a tanute, thu tel theihna a nei, Pasianʼ thukham hangin gamdang mite panin a tuam om mi khempeuh in

²⁹ a sanggam uh ahi amauʼ makaite pawmin, Pasianʼ nasem Moses in a piak Pasianʼ thukham zui-in, eiteʼ Topa ahi Topaʼ thupiakna khempeuh, ama ngeinate le ama thukhamte a zuih nading uh kiciamna a bawl uh hi.

³⁰ Gamdang mite tungah i tanute i kha kei dinga, i tapateʼ zi dingin zong i la kei ding hi.

³¹ Hih mite in Sabbath ni-in van ahi a, an ahi zongin hong zuak leh Sabbath ni le ni siangtho khat peuhpeuh ni-in i lei kei ding hi. Kum sagihna-a an piangte nusia-in tua kumin leiba khempeuh i maisak ding hi.

^32-33 Eiteʼ Pasianʼ biakinn ah nasep nading ahi Ompihna Anlum, a manmanin an tawh biakna, a manmanin meihal biakna, Sabbath ni, Khadet ni, a kiseh pawite, biakna letsongte le Israel miteʼ tangin a kibawlsak ahi kilemna bawl nadingin mawhna hanga biaknate le i Pasianʼ biakinn ah sep ding a kisam dangte khempeuh ah zat dingin kum simin shekel khat seh thum ah khat piak ding ka kiciam uh hi.

³⁴ Tua ciangin thukham sunga a kigelh bangin a kiseh hunin a kumkumin Topa eiteʼ Pasianʼ biakna tau tungah cih dingin beh a banbanin i Pasianʼ biakinn sungah sing a kitut nadingin siampite, Levi mite le ko mi vekpite in sing pua ding sehna ai ka san uh hi.

³⁵ I leitang panin a piang anpalte le singgah kungte panin a gah masa khempeuh a kumkumin Topaʼ biakinn ah puak ding ka kiciam uh hi.

³⁶ Thukham sunga kigelh mah bangin i Pasianʼ biakinn ah a om, i Pasianʼ biakinn sungah na a sem siampite kiangah zong tapa upa pente le bawngteʼ tacilte le ganhonteʼ tacilte le tuuhonteʼ tacilte paipih ding,

³⁷ le annel lom meek masak pen siampite tungah puak ding le gah nei sing khempeuh panin a gah masa, sathau le leenggahzu thakte khempeuh i Pasianʼ biakinn sung vankoihna ah puak ding le lokhawhna khuaneute khempeuh ah sawm-ah-khat a kaikhawmte pen Levi mite ahih manin leitang panin sawm-ah-khat khempeuh Levi mite kiangah puak ding ka kiciam uh hi.

³⁸ Levi mite in sawm-ah-khat a khop uh ciangin Aaronʼ suan siampite tawh hih khawm ding uh hi. Tua ciangin Levi mite in i Pasianʼ biakinn sunga vankoihna a kilawm mun inn deite ah sawm-ah-khat a ngah uh sung pan sawm-ah-khat puak sawn ding uh hi.

³⁹ Bang hang hiam cih leh biakinn umlebeelte a kikoihna inn deite le na a sem siampite, kongcingte le lasate a giahna inn deite ah Israel mite le Levi mite in a kipia ante, leenggahzu le sathaute a paipih ding uh ahi hi. Eiteʼ Pasianʼ biakinn kin loin i om kei ding hi.