Late 8 - Tedim Bible Revision 2017

Pasianʼ Liatna le Mihingʼ Thupina

¹ Topa koteʼ Topa aw, leitung khempeuh ah na min lian mahmah hi. Nangmah a hong kiphatna awgingte in vantung ban a,

² naungekte le naupangteʼ kam tawh nangmah phatna la kisa hi. Gal na neih manin galte le langpangte na daihsakna dingin panmun kip na bawl khin hi.

³ Na nasepna, na bawl sa, kha le aksite, le na vantungte ka et ciangin,

⁴ na ngaihsut tham dingin mihing bang hi lel a, na phawk tham dingin mihingʼ ta bang hi lel ahi hiam?

⁵ Ahi zongin, vantungmi sangin a neu zaw deuh bekin na bawl a, minthanna le pahtawina nangmah in na guan hi.

⁶ Na khut tawh na bawl sate khempeuh tungah ukna thu ama tungah na pia a, na khempeuh na uksak hi.

⁷ Tuu le bawng khempeuh, gamsa khempeuh zong,

⁸ huihlak a leng vasate, tui sunga om ngasate, tui, lampi a a tawn khempeuhte, na khempeuh ama khe nuai ah na koih hi.

⁹ Topa, koteʼ Topa aw, leitung khempeuh ah na min lian mahmah hi.