Late 70 - Tedim Bible Revision 2017Pasianʼ Huh Baih ding Ngetna ( La 40:13-17 ) 1 Pasian aw, keimah hong hon khia nuam in. Topa aw, keimah a huh dingin hong manlang in. 2 Kei, thah hong sawmte maizumin kibuai gawpsak in. Keima siat nading a deihte nungkiksak inla, mindaisak in. 3 “Ha, ha!” a cite a maizumna uh tawh maikhingsak in. 4 Nang hong zongte khempeuh lungdam mahmah in na min hangin kipak tahen. Na hotkhiat ding a utte in, “Pasian lian hi,” cici tahen. 5 Ahih hangin kei zawngin ka cimawh hi. Pasian aw, hong manlang in. Nang pen keimah huhpa le hong hon khia pa na hi hi. Topa aw, hong zekai kei in. |
Tedim Bible © Bible Society of Myanmar, 2017.
Bible Society of Myanmar