Late 67 - Tedim Bible Revision 2017

Lungdam Kohna La

¹ Pasian in eite hong hehpihin thupha hong pia henla, eite khempeuh tungah a mai hong taangsak tahen.

² Leitungah nangma deihna, minam khempeuhte lakah na vanglian hotkhiatna kithei tahen.

³ Pasian aw, mi khempeuh in nangmah hong phat henla, mi khempeuh in nangmah hong pahtawi tahen.

⁴ Miteʼ thu a manin khenin, leitung minamte khempeuh lamlakin makai na hih manin, minamte nuamin lungdamna la hong sak ta uh hen.

⁵ Pasian aw, mi khempeuh in nangmah hong phat henla, mi khempeuh in nangmah hong pahtawi tahen.

⁶ Leitang in ama hauhna gah khia khinta a, Pasian, eima Pasian in eite thupha hong pia khin hi.

⁷ Pasian in eite thupha hong pia khin hi. Leimong dong mi khempeuhte in amah zahtak uh hen.