Late 58 - Tedim Bible Revision 2017

Migilote tungah Thuk ding Ngetna

¹ No gam ukte aw, a manin thu na khen uh hiam? Note in mi khempeuhʼ thu a tangin na khen uh hiam?

² Hi peuhmah lo hi; na lungsim uh ah a man lo na ngaihsun uh a, gam sungah ngongtatna na gamta uh hi.

³ Migilote a khantawnun khial uh hi. A suah tung mahun lam khial pah uh a, zuau thu gen uh hi.

^4-5 Amaute in gulpiʼ gu bang gu nei uh a, a khiimteʼ aw ahi a, a zol siamteʼ aw ahi zongin bangmah a za het lo, gul bilngong tawh kibang uh hi.

⁶ Pasian aw, amauʼ kam sunga a om a hate uh sutan inla, humpinelkai khanglai hatu-te bot khia in, Topa aw.

⁷ Tui luang khiate bangin amaute mangthangsak inla, lopa bangin amaute kituancil gawpin keu tumsak in.

⁸ Amaute a naai a bei toktol, a hun cing loin a suak, ni a mu ngei lote bangsak in.

⁹ Na beelte in lingkung kuang sa a sak ma-in, a hing a keu-in amah in phiat khia mang hen.

¹⁰ Heh thukna a muh ciangin thuman mipa lungdam dinga, migiloteʼ sisan sungah amah in a khete sil ding hi.

¹¹ Mite in, “Thuman mi ading noptuamna om taktak a, leitung thu a khen Pasian khat om taktak hi,” ci ding uh hi.