Late 54 - Tedim Bible Revision 2017

Galte pan Hotkhiat ding Ngetna

¹ Pasian aw, na thahatna tawh kei hong hon khia inla, na vangliatna tawh ka dikna hong kilangsak in.

² Pasian aw, ka thungetna hong za inla, ka kampaute hong ngai in.

³ Bang hang hiam cih leh mi kiphasakte in kei hong langpang uh a, mi helhhawtte in thah dingin hong zong uh hi. Amaute in Pasian thudon lo uh hi.

⁴ Pasian, kei hong huhpa hi a, Topa, kei hong hupa ahi hi.

⁵ Amah in ka galte siatna tawh thuk ding hi. Na thumanna tawh kizui-in amaute sumai in.

⁶ Utna lungsim tawh biakpiakna kong pia dinga, nang hoih na hih manin, nangma tungah lungdamna kong ko ding hi, Topa aw.

⁷ Bang hang hiam cih leh haksatna khempeuh panin kei nong hon khia khin a, ka galte a guallelhna keimah in ka mu khinta hi.