Late 2 - Tedim Bible Revision 2017

Topaʼ Sathau Nilh paʼ Ukna

¹ Bang thu hangin minam dangte siat nading ah kithukhat sim uh a, mite in a mawkna dingpi-in sawm sim uh ahi hiam?

² Leitung kumpite le gam ukte in Topa le ama sathau nilh pa langpangin vaihawm uh a,

³ “Amauʼ hong henna khaute su tat khia-in, amauʼ khaute ei kiang panin paai khia ni,” ci uh hi.

⁴ Vantung a a tupa in amaute na nuihsan a, tua Topa in amaute a zahko hi.

⁵ Tua ciangin hehna tawh amau kiangah thu gen dinga, heh luat mahmahna tawh amaute liing lawngsakin,

⁶ “Ka mual siangtho Zion tungah ka kumpi ka tusak khin hi,” ci hi.

⁷ Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

⁸ Keima tungah hong ngen in; nangma luah dingin minamte ka bawl dinga, leimong dongin na neihsa ka hisak ding hi.

⁹ Sik tawn khat tawh amaute na satkham dinga, beelseek pa in beel a den khap bangin leilak ah amaute na deng zan ding hi,” hong ci hi.

¹⁰ Tua ahih ciangin kumpite aw, tu-in pil ta un; leitung gam a ukte aw, tu-in thu phawk ta un.

^11-12 Launa tawh Topaʼ na sem unla, linna tawh a khe nam un; tua hikeileh amah sin so-in lamkal ah na sia mang ding uh hi; bang hang hiam cih leh amah heh pakpak hi. Amah a beel khempeuh mi nuamsate ahi hi.