Late 131 - Tedim Bible Revision 2017Kiniamsakna tawh Pasian Muanna 1 Topa aw, ka lungsim kiliansak nawn lo a, kei ka kihisak nawn kei hi. Kei adingin a lian lua le a lamdang luate ngaihsutin ka nei kei hi. 2 A nuʼ nawi tawh a kikhen ta naupang bangin daitakin ka om dide zo ta hi. A dai hithiat-a om naupang tawh ka kibang ta hi. 3 Israel aw, tu a kipanin a tawntungin Topa muang in. |
Tedim Bible © Bible Society of Myanmar, 2017.
Bible Society of Myanmar