Late 130 - Tedim Bible Revision 2017Huh ding Ngetna 1 Topa aw, ka lungkham mahmahna panin nang tungah kong kiko hi. 2 Topa aw, ka aw hong za in. Ka thumna awgingte hong ngai in. 3 Topa aw, nangmah in mawhneite ciamteh lecin, Topa aw, kua in thuak zo ding ahi hiam? 4 Ahih hangin nangmah hong kizahtak theih nadingin nangmah in mawhna na maisak hi. 5 Topaʼ hong huh ding lawpna tawh ka ngak a, ama thugen ka muang hi. 6 Galvilte in zingsang hun ding a ngaklah sangin galvilte in phalvak hun ding a ngaklah sangin, Topa ka ngaklah zaw hi. 7 Israel aw, Topa muang in. Bang hang hiam cih leh Topaʼ itna kip tawntungin, hong hon khia nuam tawntung hi. 8 Mawhna a om khempeuh panin amah in Israel-te a hon khia ding hi. |
Tedim Bible © Bible Society of Myanmar, 2017.
Bible Society of Myanmar