Late 129 - Tedim Bible Revision 2017

Galte, Lotthal ding Ngetna

¹ “Ka neu lai a kipanin nakpi takin amaute in kei hong gimsak uh hi,” Israel in tu-in ci tahen.

² “Ka neu lai a kipanin nakpi takin amaute in kei hong gimsak uh a, ahih hangin amaute in kei hong zo nai lo uh hi.

³ Lokhote in lei a kuih bangin ka nungzang hong kuikek uh a, tu-ma-kuakte tawh kibangsak uh hi.

⁴ Topa thuman a, amah in migiloteʼ henna khaute su tat khinta hi,” amaute in ci ta uh hen.

⁵ Zion a mudahte khempeuh maizumin kinungkiksak tahen.

^6-8 Amaute pen a khan khit ma-a a vul, innkhum zanga lopa, an at pa in a khut sungah a kaihkhop loh, buhlom hen pa in a ang ah a pom loh, amau a mu khate in, “Topaʼ thupha na tungah om tahen. Topaʼ min tawh thupha kong pia uh hi,” a cih loh mite tawh kibangsak in.