Late 128 - Tedim Bible Revision 2017

Mipha Innkuan Sunga Thupha

¹ Topa zahtakin ama thu a zui mi khempeuh thupha ngah mi ahi hi.

² Na khut tawh na sep thaman na ne dinga, na lungdamin na maavang ding hi.

³ Nangma inn sungah na zi, a gah pha mahmah leenggui tawh kibang dinga, na sabuai kiimah a tu na tate, oliv no dawng hilhhelh tawh kibang ding uh hi.

⁴ En un, Topa a zahtak mi tua bangin thupha kipia ding hi.

⁵ Topa in Zion panin nang thupha hong pia henla, na nuntak sung tawntung Jerusalemʼ nopsakna mu ta in.

⁶ Na tute a mu dingin hong siam tahen. Israel tungah nopna om tahen!