Late 125 - Tedim Bible Revision 2017

Ama Miteʼ Kimkot ah Topa Om

¹ Topa a muang mite pen liing het loin a om tawntung Zion Mual tawh kibang hi.

² Jerusalem kimkot ah mualte a om mah bangin ama miteʼ kimkot ah tu-a kipan a tawntungin Topa om ding hi.

³ Thuman mite a khialh khak loh nadingun amau a kipia leitang tungah migilote in amaute uk paisuak lo ding hi.

⁴ Topa aw, a hoih mite tung le na thupiakna a zui mite tungah hehpihna hong nei in.

⁵ Ahih hangin amauʼ gitlohna a zuite pen siatna a bawlte gim na piak ciangin amaute tawh pia khawm in. Israel tungah nopna om tahen!