Late 124 - Tedim Bible Revision 2017

Hotkhiatna hangin Phatna

¹ Israel mite aw, Topa in hong panpih lo hileh i tuah ding thu thei un.

² Eite langpangin mite hong kipat ciangin eiteʼ lamah Topa hong pang lo hileh,

³ eiteʼ tungah a hehna uh a kisosuah ciangin amaute in eite a hingin hong nawmvalh khin ding uh hi.

⁴ Tuikhang in eite hong tai-in, tuihual in hong tum khin dinga,

⁵ tuipi husiate in hong tuum mang khin ding hi.

⁶ Amauteʼ suksiat dingin eite a hong pia khia lo Topa in thupha ngah tahen.

⁷ Thangsiahteʼ thangzak panin vasa a suahtak bangin eite i suakta hi. Thangkhau kibot tat a, eite i suakta khinta hi.

⁸ Vanlelei a bawl Topaʼ tung panin eite huhna hong pai hi.