Late 122 - Tedim Bible Revision 2017

Jerusalemʼ Nopsak nading Ngetna

¹ Amaute in kei tungah, “Topaʼ inn ah pai ni,” hong cih uh ciangin kei ka kipak hi.

² Jerusalem aw, na kulh kongpi sungah kote hong tungin ka ding khinta uh hi.

^3-4 Jerusalem khuapi pen Israel-te tungah thu a kipiak sa bangin Topaʼ tungah lungdamna a ko dingin Topaʼ minamte, Israel minamte, a hong pai tohna, khuapi lian tawh a kibangin a kibawl, kip takin a kilam bikbek khuapi ahi hi.

⁵ Davidʼ innkuanteʼ kumpi tokhom, thukhen nading kumpi tokhomte, tua lai ah kikoih hi.

⁶ Jerusalem khuapi, a nopsak nading thu ngen unla, “Nang hong itte a daupai tahen.

⁷ Na khua sungah lungnopna om henla, na galvilna tausangteʼ huam sungah lungmuanna om tahen,” ci-in ngen un.

⁸ Sanggamte le kikholhpihte ka khualna-in, “Jerusalem in nopna om tahen,” ka ci ding hi.

⁹ Topa eiteʼ Pasianʼ inn ka khualna-in nangma hoih nading thu ka ngen ding hi.