Late 121 - Tedim Bible Revision 2017

Topa, Ama Mite A Kem pa

¹ Keimah in mual tung lam ka en to hi. Keimah huhna koi lai pan hong pai ding ahi hiam?

² Vanlelei a bawl Topaʼ kiang panin keimah huhna hong pai hi.

³ Amah in ka khe taalsak lo dinga, kei hong kem pa lusu lo ding hi.

⁴ En un, Israel a kem pa lusu lo a, zong ihmu lo hi.

⁵ Topa in nang hong cing dinga, nangmah a hong hu dingin na kiangah hong om hi.

⁶ Sunin ni in nang hong gimsak lo dinga, zanin kha in zong nang hong su kha lo ding hi.

⁷ Topa in siatna khempeuh panin nang hong hu dinga, amah in a muanhuai-in nang hong kem ding hi.

⁸ Topa in tua kipan a tawntungin na vak suk na vak tohna ah nang hong kem ding hi.