Late 120 - Tedim Bible Revision 2017

Huh ding Ngetna

¹ Ka cihmawh ciangin Topaʼ tungah ka kiko a, amah in hong dawng hi.

² Topa aw, mizuaute le mi khemteʼ kiang panin kei hong hon khia in.

³ Mi khem theite aw, noteʼ tungah bang hong kipia dinga, noteʼ tungah bang hong kihih ding ahi hiam?

⁴ Galhang paʼ thal hiamte le sesing hol-am hi ding hi.

⁵ Note lakah ka om khak pen Meshek gam sungah ten khak sangin haksa zaw a, Kedar mite lakah ten khak sangin siahuai zaw hi.

⁶ Gal kilemna a deih lo mite lakah sauvei ka teng lua kha hi.

⁷ Kei pen gal kilemna a ngaihsun mi ka hi hi. Ahih hangin kilem nading thu ka gen ciangin amaute in gal kido ding utna tengin nei uh hi.