Late 12 - Tedim Bible Revision 2017

Migilote panin Hut ding Ngetna

¹ Topa aw, hong huh in; bang hang hiam cih leh mihingte lak panin mi thumante maimang ta a, mipha khat zong om nawn lo hi.

² Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

^3-4 “I Leii tawh gualzo ding, i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in at khia tahen.

⁵ Topa in, “Mizawngte a neihsa kihawk khia a, mi cimawhte thumin tau uh ahih ciangin tu-in dingin, amauʼ lunggulh, lungmuanna munah amaute ka koih ding hi,” a ci hi.

⁶ Topaʼ thuciamnate, a siangtho thuciamna hi a, meikhuk sungah sagih vei a kisiangsak ngun tawh kibang hi.

⁷ Topa aw, kote hong dal inla, tu khang mite kiang panin kote hong kem in.

⁸ Bang hang hiam cih leh mihingte lakah siatna kipahtawi a, mun khempeuh ah migilote kidimin vak kawikawi uh hi.