Late 113 - Tedim Bible Revision 2017

Pasian in Miniamte Sangsak

¹ Topa phat un. Topaʼ nasemte aw, phat un. Topaʼ min phat un.

² Topaʼ min in tu a kipanin thupha ngah tawntung tahen.

³ Nisuahna pan nitumna dongin Topaʼ min phat ding ahi hi.

⁴ Topa in minam khempeuh tungah uk a, ama minthanna vantung sangin sang zaw hi.

^5-6 A sangna munah a tu, vantung le leitung a hong en suk Topa, eiteʼ Pasian pen kua tawh kibang ahi hiam?

⁷ Amah in leivui panin mizawngte laam to-in, ninphual panin mi cimawhte le a lungkhamte dom to a,

⁸ uliante tawh kikhawl sakin ama miteʼ ulianin a bawl hi.

⁹ Amah in tasel numei tungah ta guan a, ta a nei nu a lungdamin a bawl hi. Topa phat un.