Late 1 - Tedim Bible Revision 2017

BU KHATNA ( La 1—41 ) Midikte le Migilote

¹ Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

² Ama nopsakna pen Topa thu sung bek mah hi a, sun le zanin ama thu a ngaih sunsun mi ahi hi.

³ Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

⁴ Migilote ahihleh tua bang hi lo uh a, huih in a letkhiat anvai tawh kibang lel uh hi.

⁵ Tua ahih ciangin migilote in thukhenna thuak zo lo ding uh a, mimawhte pen midikteʼ pawl sungah kihel thei lo ding uh hi;

⁶ bang hang hiam cih leh Topa in midikte lamlakin hu tawntung a, migilote ahihleh sia maimang ding uh hi.