1 KHANG TANGTHU MASATE 8 - Tedim Bible Revision 2017

Benjaminʼ Suanlekhakte

¹ Benjamin pen a tacil Bela, a nihna Ashbel, a thumna Aharah,

² a lina Nohah le a ngana Rafa-teʼ pa ahi hi.

³ Belaʼ tapate: Addar, Gera, Abihud,

⁴ Abishua, Naaman, Ahoah,

⁵ Gera, Shefufan le Huram ahi uh hi.

⁶ Ehudʼ tapate (amaute pen Geba-a teeng beh lutangte hi uh a, amaute Manahath ah galmatin kipua hi):

⁷ Naaman, Ahijah le Uzza le Ahihudʼ pa Heglam a kici Gera ahi uh hi.

⁸ Shaharaim in a zite Hushim le Baara a mak khit ciangin Moab gam sungah tapate nei hi.

⁹ Amah in a zikik Hodesh tawh a neih a tapate: Jobab, Zibia, Mesha, Malkam,

¹⁰ Jeuz, Sakhia le Mirmah ahi uh hi. Hihte pen amau beh sungah innkuan lutangte ahi uh hi.

¹¹ Amah in Hushim tawh zong a neih a tapate: Ahitub le Elpaal ahi uh hi.

¹² Elpaalʼ tapate: Eber, Misham le Ono le Lod a khuapite tawh a sat Shemed,

¹³ le Beriah le Shema (Gath a teengte a taisak Aijalon a teeng beh lutangte),

¹⁴ le Ahio, Shashak le Jeremoth ahi uh hi.

¹⁵ Zebadiah, Arad, Eder,

¹⁶ Mikhael, Ishpah le Joha-te pen Beriahʼ tapate ahi uh hi.

¹⁷ Zebadiah, Meshullam, Hizki, Heber,

¹⁸ Ishmerai, Izliah le Jobab-te pen Elpaalʼ suante ahi uh hi.

¹⁹ Jakim, Zikri, Zabdi,

²⁰ Elienai, Zillethai, Eliel,

²¹ Adaiah, Beraiah le Shimrath-te pen Shimeiʼ suante ahi uh hi.

²² Ishpan, Eber, Eliel,

²³ Abdon, Zikri, Hanan,

²⁴ Hananiah, Elam, Anthothijah,

²⁵ Ifdeiah le Penuel-te pen Shashakʼ suante ahi uh hi.

²⁶ Shamsherai, Shehariah, Athaliah,

²⁷ Jaareshiah, Elijah le Zikri te pen Jehoramʼ suante ahi uh hi.

²⁸ Hihte pen amau khang tawh kizui-in beh lutangte, a ukpite ahi uh hi. Hihte khempeuh Jerusalem ah a teeng uh hi.

Saulʼ Khangsimna

²⁹ Gibeon khuapi a sat pa Jeiel pen Gibeon ah teeng a, ama ziʼ min Maakah ahi hi.

³⁰ Ama tapa upa pen Abdon, tua ciangin Zur, Kish, Baal, Ner, Nadab,

³¹ Gedor, Ahio, Zekher,

³² le Mikloth (amah pen Shimeahʼ pa) ahi hi. Tu-in amauʼ suanlekhakte zong Jerusalem-a amauʼ behteʼ gal khat ah amauʼ behte mah tawh teeng uh hi.

³³ Ner pen Kishʼ pa, Kish pen Saulʼ pa ahi hi. Saul pen Jonathan, Malkhishua, Abinadab le Eshbaalʼ pa ahi hi.

³⁴ Tua ciangin Jonathanʼ tapa pen Meribbaal hi a, Meribbaal pen Mikahʼ pa ahi hi.

³⁵ Mikahʼ tapate: Pithon, Melek, Tarea le Ahaz ahi uh hi.

³⁶ Ahaz pen Jehoaddahʼ pa ahi hi. Jehoaddah pen Alemeth, Azmaveth, le Zimriʼ pa hi a, Zimri pen Mozaʼ pa ahi hi.

³⁷ Moza pen Bineaʼ pa ahi hi. Bineaʼ tapa Rafah, a tapa Eleasah, a tapa Azel ahi hi.

³⁸ Azel in tapa guk nei a, tuateʼ minte: Azrikam, Bokheru, Ishmael, Sheariah, Obadiah le Hanan ahi uh hi. Hihte khempeuh Azelʼ tapate ahi uh hi.

³⁹ Azelʼ sanggampa Eshekʼ tapate: A tacil Ulam, a nihna Jeush le a thumna Elifelet ahi hi.

⁴⁰ Ulamʼ tapate a thahat galhangte, thal tawite, tapa tampi le tupa tampi a neite hi a, mi za le sawm nga pha uh hi. Hihte khempeuh Benjamin minamte ahi uh hi.