1 KHANG TANGTHU MASATE 7 - Tedim Bible Revision 2017

Issakharʼ Suanlekhakte

¹ Issakharʼ tapate: Tola, Puah, Jashub le Shimron, li pha uh hi.

² Tolaʼ tapate: Uzzi, Refaiah, Jeriel, Jahmai, Ibsam le Shemuel-te hi a, amauʼ beh sung panin innkuan lutangte hi a, Tola-te beh pen amauʼ khangin a galhangte ahi uh hi. Davidʼ hun laitakin mihing tul sawm nih le tul nih le za guk pha uh hi.

³ Uzzi in tapa Izrahiah nei hi. Izrahiah le a tapate Mikhael, Obadiah, Joel le Isshiah, mi nga hi a, a vekpi-in ukpite ahi uh hi.

⁴ Amauteʼ banah a pate uh a inn kuankuanin khangsimna ah a kiciaptehna tawh kizui-in galsim dingin galkap honte mi tul sawm thum le tul guk om hi; bang hang hiam cih leh amaute in zi tampi nei-in ta tampi nei uh hi.

⁵ Issakhar minam sungah a om, khangsimna ah a kiciamteh, a galhang a thahat amau beh mi a vekpi-in tul sawm giat le tul sagih ahi hi.

Benjaminʼ Suanlekhakte

⁶ Benjaminʼ tapate: Bela, Bekher le Jediael, thum pha uh hi.

⁷ Belaʼ tapate: Ezbon, Uzzi, Uzziel, Jerimoth le Iri, nga pha uh a, amauʼ beh sungah innkuan lutang, a thahat galhangte ahi uh hi. Amauʼ khangsimna a kiciaptehna ah tul sawm nih le tul nih le sawm thum le li pha uh hi.

⁸ Bekherʼ tapate: Zemirah, Joash, Eliezer, Elioenai, Omri, Jeremoth, Abijah, Anathoth le Alemeth ahi uh hi.

⁹ Hihte khempeuh Bekherʼ tapate ahi uh hi. Amauʼ khang tawh kizui-in a khangsimna a kiciaptehna ah, amauʼ beh sungah innkuan lutang, a thahat a galhang mihing tul sawm nih le za nih ahi hi.

¹⁰ Jediaelʼ tapa pen Bilhan ahi hi. Bilhanʼ tapate: Jeush, Benjamin, Ehud, Khenaanah, Zethan, Tarshish le Ahishar ahi uh hi.

¹¹ Hihte khempeuh amauʼ beh sungah innkuan lutang hi uh a, a thahat, a galhang, Jediaelʼ suante galsimna ah nasem dingin a baih sa-in a om mihing tul sawm le tul sagih le za nih pha uh hi.

¹² Tua ciangin Shuppim le Huppim zong hih minamte sung mah hi a, Dan in Hushim kici tapa khat a nei hi.

Naftaliʼ Suanlekhakte

¹³ Naftaliʼ tapate: Jahziel, Guni, Jezer le Shallum hi a, Bilhah sung pan a piangte ahi uh hi.

Manassehʼ Suanlekhakte

¹⁴ Manassehʼ tapate: A zineu Aram numei tawh a neih Asriel le Makhir ahi hi. Makhir pen Gileadʼ pa ahi hi.

¹⁵ Tua ciangin Makhir in Huppim le Shuppim ading zi a la hi. Ama sanggamnuʼ min Maakah ahi hi. Makhirʼ tapa a nihnaʼ min Zelofehad hi a, Zelofehad in tanu bek a nei hi.

¹⁶ Tua ciangin Makhirʼ zi Maakah in tapa nih nei a, a min Peresh le Sheresh ahi hi. Pereshʼ tapate Ulam le Rakem ahi hi.

¹⁷ Ulamʼ tapa Bedan ahi hi. Hihte pen Manassehʼ tapa Makhirʼ tapa Gileadʼ suante ahi hi.

¹⁸ Tua ciangin Gileadʼ sanggamnu Hammolekheth in Ishhod, Abiezer le Mahlah nei hi.

¹⁹ Shemidaʼ tapate Ahian, Shekhem, Likhi le Aniam ahi uh hi.

Efraimʼ Suanlekhakte

²⁰ Efraimʼ suante: A tapa Shuthelah, a tapa Bered, a tapa Tahath, a tapa Eleadah, a tapa Tahath,

²¹ a tapa Zabad, a tapa Shuthelah ahi hi. Efraim in tapa dang nih nei a, tuate Ezer le Elead ahi uh hi. Gath khua miteʼ bawng a sut dingin a kuan lai-in Gath mite in amau tegel na that uh hi.

²² Tua ciangin a pa uh Efraim ni tampi sung kap a, amah a hehnem dingin a sanggamte hong pai uh hi.

²³ Tua ciangin Efraim in a zi luppih a, amah gai-in tapa khat nei hi. Ama inn sungah siatna tung ahih manin amah in a min Beriah a phuak hi.

²⁴ Ama tanu Sheerah hi a, Beth-horon nuainung le a tungnung le Uzzen-sheerah khua a lam nu ahi hi.

²⁵ Tua ciangin Refah kici tapa khat nei a, ama suante: Resef, a tapa Telah, a tapa Tahan,

²⁶ a tapa Ladan, a tapa Ammihud, a tapa Elishama,

²⁷ a tapa Nun, a tapa Joshua ahi hi.

²⁸ Amauʼ neihsa gam le a teenna uh Bethel le a khuapite le nisuahna lamah Naaran le nitumna lamah Gezer le a khuapite, Shekhem le a khuapite le Azzah le a khuapite ahi hi.

²⁹ Manassehʼ suante in Beth-shean le a khuapite, Taanak le a khuapite, Megiddo le a khuapite, Dor le a khuapite a uk uh hi. Hihte sungah Israelʼ tapa Josefʼ suante a teeng uh hi.

Asherʼ Suanlekhakte

³⁰ Asherʼ tapate: Imnah, Ishvah, Ishvi, Beriah le a sanggamnu uh Serah ahi hi.

³¹ Beriahʼ tapate: Heber le Malkhiel hi a, Malkhiel pen Birzaith khuapi a sat pa ahi hi.

³² Heber pen Jaflet, Shomer, Hotham le a sanggamnu uh Shua-teʼ pa ahi hi.

³³ Jafletʼ tapate: Pasak, Bimhal le Ashvath ahi uh hi. Hihte pen Jafletʼ tapate ahi uh hi.

³⁴ A sanggampa Shomerʼ tapate: Rohgah, Jehubbah le Aram ahi uh hi.

³⁵ A sanggampa Hothamʼ tapate: Zofah, Imna, Shelesh le Amal ahi uh hi.

³⁶ Zofahʼ suante: Suah, Harnefer, Shual, Beri, Imrah,

³⁷ Bezer, Hod, Shamma, Shilshah, Ithran le Beera ahi uh hi.

³⁸ Jetherʼ suante: Jefunneh, Pispa le Ara ahi uh hi.

³⁹ Ullaʼ suante: Arah, Hanniel le Rizia ahi uh hi.

⁴⁰ Hihte khempeuh Asherʼ beh lutangte, a kipakta, a thahat galhangte, ulian a ukte ahi uh hi. Gal sungah nasem dingin khangsimna ah a kiciamteh amaute a phazah mihing tul sawm nih le tul guk ahi hi.