1 KHANG TANGTHU MASATE 6 - Tedim Bible Revision 2017

Leviʼ Suanlekhakte

¹ Leviʼ tapate: Gershom, Kohath le Merari ahi uh hi.

² Kohathʼ tapate: Amram, Izhar, Hebron le Uzziel ahi uh hi.

³ Amramʼ tate: Aaron, Moses le tanu Miriam ahi uh hi. Aaronʼ tapate: Nadab, Abihu, Eleazar le Ithamar ahi uh hi.

⁴ Eleazarʼ suanlekhakte: A tapa Finehas, a tapa Abishua,

⁵ a tapa Bukki, a tapa Uzzi,

⁶ a tapa Zerahiah, a tapa Meraioth,

⁷ a tapa Amariah, a tapa Ahitub,

⁸ a tapa Zadok, a tapa Ahimaaz,

⁹ a tapa Azariah, a tapa Johanan,

¹⁰ le a tapa Azariah, (Solomon in Jerusalem ah a lam inn sungah siampi a sem pa) ahi hi.

¹¹ Azariahʼ tapa Amariah, a tapa Ahitub,

¹² a tapa Zadok, a tapa Shalum,

¹³ a tapa Hikiah, a tapa Azariah,

¹⁴ a tapa Seraiah, a tapa Jehozadak ahi hi.

¹⁵ Topa in Nebukhadnezzarʼ khut tawh Judah le Jerusalem salin a mat ciangin Jehozadak zong salin a pai hi.

¹⁶ Leviʼ tapate: Gershom, Kohath le Merari ahi uh hi.

¹⁷ Gershomʼ tapate: Libni le Shimei ahi uh hi.

¹⁸ Kohathʼ tapate: Amram, Izhar, Hebron le Uzziel ahi uh hi.

¹⁹ Merariʼ tapate: Mahli le Mushi ahi uh hi. Hihte amauʼ beh tawh kizui-in Levi minamte ahi uh hi.

²⁰ Gershomʼ suante: A tapa Libni, a tapa Jahath, a tapa Zimmah,

²¹ a tapa Joah, a tapa Iddo, a tapa Zerah, a tapa Jeatherai ahi hi.

²² Kohathʼ suante: A tapa Amminadab, a tapa Korah, a tapa Assir,

²³ a tapa Ekanah, a tapa Ebiasaf, a tapa Assir,

²⁴ a tapa Tahath, a tapa Uriel, a tapa Uzziah le a tapa Shaul ahi hi.

²⁵ Elkanahʼ tapate: Amasai le Ahimoth ahi hi.

²⁶ Ahimothʼ suante: A tapa Elkanah, a tapa Zofai, a tapa Nahath,

²⁷ a tapa Eliab, a tapa Jeroham, a tapa Ekanah, a tapa Samuel ahi uh hi.

²⁸ Samuelʼ tapate: A tacil Joel, a nihna Abijah ahi uh hi.

²⁹ Merariʼ suante: Mahli, a tapa Libni, a tapa Shimei, a tapa Uzza,

³⁰ a tapa Shimea, a tapa Haggiah le a tapa Asaiah ahi uh hi.

David in a Seh Biakna Lasate

³¹ Topaʼ biakbuk sungah Thuciamna Singkuang a tawlngak khit ciangin tua sungah la sak nasep a ukin David in a koih hih mite ahi hi.

³² Solomon in Jerusalem ah Topaʼ Biakinn a lam ciang dong amaute in kikhopna puanbuk ahi biakbuk mai ah la sak na sem uh a, amaute in a nasep uh a hunhun a banbanin sem uh hi.

³³ Hih nasep a semteʼ khangsimna a nuai-a bang ahi hi. Kohath mite beh sung panin: Heman la makai pa hi a, Joelʼ tapa ahi hi. Hemanʼ khangsimna pen a pupi Israel lam manawhin kileh sim to hi. Heman a pa Joel, a pa Samuel,

³⁴ a pa Ekanah, a pa Jehoram, a pa Eliel, a pa Toah,

³⁵ a pa Zuf, a pa Ekanah, a pa Mahath, a pa Amasai,

³⁶ a pa Ekanah, a pa Joel, a pa Azariah, a pa Zefaniah,

³⁷ a pa Tahath, a pa Assir, a pa Ebiasaf, a pa Korah,

³⁸ a pa Izhar, a pa Kohath, a pa Levi, a pa Israel ahi hi.

³⁹ Asaf pen lasa pawl nihna a makai pa hi a, ama khangsimna a pupi Levi lam manawhin kileh sim to hi. Tuate in: Asaf, a pa Berekhiah, a pa Shimea,

⁴⁰ a pa Mikhael, a pa Baaseiah, a pa Makhijah,

⁴¹ a pa Ethni, a pa Zerah, a pa Adaiah,

⁴² a pa Ethan, a pa Zimmah, a pa Shimei,

⁴³ a pa Jahath, a pa Gershom, a pa Levi ahi uh hi.

⁴⁴ Merari-te beh sung panin Ethan pen lasa pawl thumna a ukpa hi a, ama khangsimna a pupi Levi lam manawhin kileh sim to hi. Tuate in: Ethan, a pa Kishi, a pa Abdi, a pa Malluk,

⁴⁵ a pa Hashabiah, a pa Amaziah, a pa Hikiah,

⁴⁶ a pa Amzi, a pa Bani, a pa Shemer,

⁴⁷ a pa Mahli, a pa Mushi, a pa Levi hi a,

⁴⁸ Levi mi a sanggamte uh Pasianʼ biakbuk nasep dang khempeuh a sem dingin a kisehte ahi hi.

Aaronʼ Suanlekhakte

⁴⁹ Aaron le a tapate in Pasianʼ nasem Mosesʼ thupiak sate khempeuh bangin siangtho pen mun nasepnate khempeuh le Israel mite adingin kilemna a bawl dingin meihal biakna tau tung le paknamtui biakna tau tungah piakna a bawl uh hi.

⁵⁰ Aaronʼ suanlekhakte: Aaron a tapa Eleazar, a tapa Finehas, a tapa Abishua,

⁵¹ a tapa Bukki, a tapa Uzzi, a tapa Zerahiah,

⁵² a tapa Meraioth, a tapa Amariah, a tapa Ahitub,

⁵³ a tapa Zadok, a tapa Ahimaaz ahi hi.

Levi Miteʼ Khuapite

⁵⁴ Amauʼ gamgi huam sungah amauʼ teenna tawh kizui-in amauʼ omna munte: Kohath-te beh sung pan Aaron suante tungah a kipia, amau adingin a tanh uh om a,

⁵⁵ Judah gam sungah Hebron le a kiim lo nonate amaute tungah pia uh a,

⁵⁶ ahih hangin a lote le a khuaneute Jefunnehʼ tapa Kaleb tungah a pia uh hi.

⁵⁷ Aaron suante tungah amaute in a piak khuapite: Bukna khuapi Hebron, Jattir le Libnah khuapite, Eshtemoa a lo nona gamte tawh,

⁵⁸ Hilen a lo nona gamte tawh, Debir a lo nona gamte tawh,

⁵⁹ Ashan a lo nona gamte tawh le Beth-shemesh a lo nona gamte tawh ahi hi.

⁶⁰ Tua ciangin Benjamin minamteʼ gam sung panin Geba a lo nona gamte tawh, Alemeth a lo nona gamte tawh le Anathoth a lo nona gamte tawh ahi hi. Amauʼ beh khempeuhʼ khuapite sawm le thum ahi hi.

⁶¹ Kohath mi a omlaite tungah aisanna tawh Manasseh minam a langteʼ gam sung panin khuapi sawm kipia hi.

⁶² Gershom-te beh tungah a innkuan a kizui-in Issakhar-teʼ gam, Asher-teʼ gam, Naftali-teʼ gam le Bashan-a om Manasseh-teʼ gam sung panin khuapi sawm le thum kipia hi.

⁶³ Merari-te beh tungah a innkuan a kizui-in Reuben-teʼ gam, Gad-teʼ gam le Zebulun-teʼ gam sung panin khuapi sawm le nih kipia hi.

⁶⁴ Tua ahih ciangin Israel mite in hih bangin Levi mite tungah khuapite a lo nonate tawh a pia uh hi.

⁶⁵ Amaute in Judah-teʼ gam, Simeon-teʼ gam le Benjamin-teʼ gam sung panin zong a minin a kilo hih khuapite amaute tungah a pia uh hi.

⁶⁶ Tua ciangin Kohath-te beh pawl khat in Efraim minamteʼ gam sung panin amauʼ gam khuapite mah ngah uh hi.

⁶⁷ Amaute tungah a kipia bukna khuapite: Efraim mual tung gam sungah a om Shekhem a lo nona gamte tawh, Gezer a lo nona gamte tawh,

⁶⁸ Jokmeam a lo nona gamte tawh, Beth-horon a lo nona gamte tawh,

⁶⁹ Aijalon a lo nona gamte tawh, Gath-rimmon a lo nona gamte tawh,

⁷⁰ le Manasseh minam a langteʼ gam sung panin Aner a lo nona gamte tawh le Bileam a lo nona gamte tawh hi a, hihte pen Kohath-te beh a omlaite ading ahi hi.

⁷¹ Manasseh minam a langteʼ gam sung panin Gershom-te beh tungah a kipiate: Bashan gam sunga Golan a lo nona gamte tawh le Ashtaroth a lo nona gamte tawh ahi hi.

⁷² Tua ciangin Issakhar-teʼ gam sung panin: Kedesh a lo nona gamte tawh, Daberath a lo nona gamte tawh,

⁷³ Ramoth a lo nona gamte tawh le Anem a lo nona gamte tawh ahi hi.

⁷⁴ Asher-teʼ gam sung panin: Mashal a lo nona gamte tawh, Abdon a lo nona gamte tawh,

⁷⁵ Hukok a lo nona gamte tawh le Rehob a lo nona gamte tawh ahi hi.

⁷⁶ Tua ciangin Naftali-teʼ gam sung panin: Galilee gam sungah a om Kedesh a lo nona gamte tawh, Hammon a lo nona gamte tawh le Kiriathaim a lo nona gamte tawh ahi hi.

⁷⁷ Merari-te beh a omlaite tungah Zebulun-teʼ gam sung panin a kipiate: Rimmono a lo nona gamte tawh, Tabor a lo nona gamte tawh,

⁷⁸ le Reuben-teʼ gam sung panin Jordan nisuahna lam, Jerikho kiang Jordan gal khat sung pan: Pawn a om Bezer a lo nona gamte tawh, Jahzah a lo nona gamte tawh,

⁷⁹ Kedemoth a lo nona gamte tawh le Mefaath a lo nona gamte tawh ahi hi.

⁸⁰ Tua ciangin Gad-teʼ sung panin: Gilead gam a om Ramoth a lo nona gamte tawh, Mahanaim a lo nona gamte tawh,

⁸¹ Heshbon a lo nona gamte tawh le Jazer a lo nona gamte tawh ahi hi.