1 KHANG TANGTHU MASATE 2 - Tedim Bible Revision 2017

Israelʼ Tapate

¹ Israelʼ tapate: Reuben, Simeon, Levi, Judah, Issakhar, Zebulun,

² Dan, Josef, Benjamin, Naftali, Gad le Asher ahi uh hi.

Judahʼ Suanlekhakte

³ Judahʼ tapate: Er, Onan le Shelah ahi uh hi. Hih thumte pen Kanaan mi Bathshua tawh a neih ahi hi. Judahʼ tacil Er pen Topaʼ muhna ah gamtat hoih lo ahih manin Topa in amah that hi.

⁴ A tapaʼ zi Tamar in zong amah tawh Perez le Zerah nei hi. Judah in a vekpi-in tapa nga nei hi.

⁵ Perezʼ tapate: Hezron le Hamul ahi uh hi.

⁶ Zerahʼ tapate: Zimri, Ethan, Heman, Kalkol le Dara, a vekpi-in nga pha uh hi.

⁷ Karmiʼ tapa: A ki-ap nate ah a khial, Israel mite a nawngkaisak Akhan ahi hi.

⁸ Tua ciangin Ethanʼ tapa Azariah ahi hi.

⁹ Ama sung panin a suak Hezronʼ tapate: Jerahmeel, Ram le Khelubai ahi uh hi.

¹⁰ Ram pen Amminadabʼ pa hi a, Amminadab pen Judahʼ tapateʼ sung pan ulian Nahshonʼ pa ahi hi.

¹¹ Nahshon pen Salmaʼ pa, Salma pen Boazʼ pa,

¹² Boaz pen Obedʼ pa, Obed pen Jessiʼ pa ahi hi.

¹³ Jessi in a tacil Eliab, a nihna Abinadab, a thumna Shimea,

¹⁴ a lina Nethanel, a ngana Raddai,

¹⁵ a gukna Ozem, a sagihna David a nei hi.

¹⁶ Amauʼ sanggam numeite Zeruiah le Abigail ahi uh hi. Zeruiahʼ tapate: Abishai, Joab le Asahel, thum pha uh hi.

¹⁷ Abigail in Amasa nei a, Amasaʼ pa pen Ishmael mi Jether ahi hi.

¹⁸ Hezronʼ tapa Kaleb in a zi Azubah le Jerioth tawh ta nei hi. Ama tate: Jesher, Shobab le Ardon ahi uh hi.

¹⁹ Azubah a sih ciangin Kaleb in Efrath teen pihin, tua nu in amah tawh Hur nei hi.

²⁰ Hur pen Uriʼ pa hi a, Uri pen Bezalelʼ pa ahi hi.

²¹ Ama khan kum sawm guk a phak ciangin Hezron in a teenpih, Gileadʼ pa Makhirʼ tanu luppih hi. Tua nu in amah tawh Segub nei hi.

²² Segub pen Jairʼ pa hi a, Gilead gam sungah khuapi sawm nih le thum nei hi.

²³ Ahih hangin Geshur le Aram in amaute tung panin Havvoth jair khua le Kenath le a khuaneute, khua sawm guk la hi. Hihte khempeuh pen Gileadʼ pa Makhirʼ suanlekhakte ahi uh hi.

²⁴ Hezron a sih khit ciangin Kaleb in a pa Hezronʼ zi Efrath luppih a, tua nu in amah tawh Tekoa khuapi a sat Ashhur a nei hi.

²⁵ Hezronʼ tacil Jerahmeelʼ tapate: A tacil Ram, Bunah, Oren le Ahijah ahi uh hi.

²⁶ Jerahmeel in zi dang khat zong nei a, a min Atarah ahi hi. Amah pen Onamʼ nu ahi hi.

²⁷ Jerahmeelʼ tacil Ramʼ tapate: Maaz, Jamin le Eker ahi uh hi.

²⁸ Onamʼ tapate: Shammai le Jada ahi uh hi. Shammaiʼ tapate: Nadab le Abishur ahi uh hi.

²⁹ Abishurʼ ziʼ min Abihail hi a, tua nu in amah tawh Ahban le Molid nei hi.

³⁰ Nadabʼ tapate: Seled le Appaim ahi uh hi. Seled in ta nei loin si hi.

³¹ Appaimʼ tapa Ishi ahi hi. Ishiʼ tapa Sheshan ahi hi. Sheshanʼ tapa Ahlai ahi hi.

³² Tua ciangin Shammaiʼ sanggampa Jadaʼ tapate: Jether le Jonathan ahi uh hi. Jether in ta nei loin si hi.

³³ Jonathanʼ tapate: Peleth le Zaza ahi uh hi. Hihte pen Jerahmeelʼ suanlekhakte ahi uh hi.

³⁴ Sheshan in tapa nei loin tanu bek nei hi. Ahih hangin Sheshan in Jarha min nei Egypt sila khat nei hi.

³⁵ Tua ahih ciangin Sheshan in a sila Jarha tungah a zi dingin a tanu pia a, tua nu in Attai nei hi.

³⁶ Attai pen Nathanʼ pa hi a, Nathan pen Zabadʼ pa ahi hi.

³⁷ Zabad pen Eflalʼ pa hi a, Eflal pen Obedʼ pa ahi hi.

³⁸ Obed pen Jehuʼ pa hi a, Jehu pen Azariahʼ pa ahi hi.

³⁹ Azariah pen Helezʼ pa hi a, Helez pen Eleasahʼ pa ahi hi.

⁴⁰ Eleasah pen Sismaiʼ pa hi a, Sismai pen Shallumʼ pa ahi hi.

⁴¹ Shallum pen Jekamiahʼ pa hi a, Jekamiah pen Elishamaʼ pa ahi hi.

⁴² Jerahmeelʼ sanggampa Kalebʼ tapa: Zifʼ pa ahi a tacil Mareshah ahi hi. Mareshahʼ tapa Hebron ahi hi.

⁴³ Hebronʼ tapate: Korah, Tappuah, Rekem le Shema ahi uh hi.

⁴⁴ Shema pen Rahamʼ pa hi a, Raham pen Jorkeamʼ pa ahi hi. Rekem pen Shemaʼ sanggam hi a, Shammaiʼ pa ahi hi.

⁴⁵ Shammaiʼ tapa Maon hi a, Maon pen Bethzurʼ pa ahi hi.

⁴⁶ Kalebʼ zineu Efah in Haran, Moza le Gazez nei a, Haran in Gazez kici tapa khat nei hi.

⁴⁷ Jahdaiʼ tapate: Regem, Jotham, Geshan, Pelet, Efah le Shaaf ahi uh hi.

⁴⁸ Kalebʼ zineu Maakah in Sheber le Tirhanah nei hi.

⁴⁹ Tua ciangin tapa nih nei leuleu a, Madmannah khuapi a sat Shaaf le Makbenah khuapi le Gibea khuapi a sat Sheva ahi uh hi. Kaleb in tanu khat zong nei a, a min Aksah ahi hi.

⁵⁰ Hih a nuai-ate zong Kalebʼ suanlekhakte ahi uh hi. Kalebʼ zi Efrathʼ tacil Hurʼ tapate: Kiriath-jearim khuapi a sat Shobal,

⁵¹ Bethlehem khuapi a sat Shalma le Beth-gader khuapi a sat Haref ahi uh hi.

⁵² Kiriath-jearim khuapi a sat Shobal in tapa nei hi: Haroeh mite le Menuhoth gam a mi a langteʼ pianna ahi hi.

⁵³ Tua ciangin Kiriath-jearim khua sungah a teengte: Ithri mite, Puth mite, Shumath mite le Mishrai mite ahi uh hi. Hihte sung panin Zorah mite le Eshtaol mite hong piang hi.

⁵⁴ Bethlehem khuapi a sat Salmaʼ suante: Netofah mite, Atroth-beth-joab mite le Zorah mi ahi Manahath minam nih sung pan alang ahi hi.

⁵⁵ Jabez ah a teeng lai thei minamte: Tirath mite, Shimeath mite le Sukath mite ahi uh hi. Hihte pen Rekhab minamte tawh a kiteeng Ken mite ahi uh hi.