1 KHANG TANGTHU MASATE 1 - Tedim Bible Revision 2017

Adamʼ Suanlekhakte

¹ Adamʼ ta Seth, Sethʼ ta Enosh,

² Enoshʼ ta Kenan, Kenanʼ ta Mahalalel, Mahalalelʼ ta Jared,

³ Jaredʼ ta Enok, Enokʼ ta Methuselah, Methuselahʼ ta Lamek,

⁴ Lamekʼ ta Noah ahi hi. Noah in tapa thum nei a, tuate pen Shem, Ham le Jafeth ahi uh hi.

Noah Tapateʼ Suanlekhakte

⁵ Jafethʼ tapate: Gomer, Magog, Madai, Javan, Tubal, Meshek le Tiras hi a, amauʼ min ciat pua-in minam tuamtuam a piang hi.

⁶ Gomerʼ suante: Ashkenaz mite, Rifath mite le Togarmah mite ahi uh hi.

⁷ Javanʼ suante: Elishah mite, Tarshish mite, Kittim mite le Rodanim mite ahi uh hi.

⁸ Hamʼ tapate: Kush, Egypt, Put le Kanaan hi a, amauʼ min ciat pua-in minam a piang hi.

⁹ Kushʼ suante: Seba mite, Havilah mite, Sabta mite, Raamah mite le Sabteka mite ahi uh hi. Raamahʼ suante: Sheba mite le Dedan mite ahi uh hi.

¹⁰ Kush in Nimrod kici tapa khat nei a, leitungah amah a vanglian masa pen ahi hi.

¹¹ Egypt pen Lud mite, Anam mite, Lehab mite, Naftuh mite,

¹² Pathrus mite, Kasluh mite (Filistia miteʼ hong pianna) le Kaftor miteʼ pianna pupi ahi hi.

¹³ Kanaan pen a tacil Sidon le Heth,

¹⁴ le Jebus mite, Amor mite, Girgash mite,

¹⁵ Hiv mite, Arka mite, Sin mite,

¹⁶ Arvad mite, Zemari mite le Hamath miteʼ pianna pa ahi hi.

¹⁷ Shemʼ tapate: Elam, Asshur, Arpakshad, Lud, Aram, Uz, Hul, Gether le Meshek hi a, amauʼ min ciat pua-in minam a piang hi.

¹⁸ Arpakshad pen Shelahʼ pa hi a, Shelah pen Eberʼ pa ahi hi.

¹⁹ Eberʼ sung pan a piang tapa nihte: A khat paʼ min Peleg ahi hi (bang hang hiam cih leh ama hunin gam kikhen hi). A sanggampaʼ min Joktan ahi hi.

²⁰ Joktan pen Almodad mite, Shelef mite, Hazarmaveth mite, Jerah mite,

²¹ Hadoram mite, Uzal mite, Diklah mite,

²² Ebal mite, Abimael mite, Sheba mite,

²³ Ofir mite, Havilah mite le Jobab miteʼ pianna pa ahi hi. Hihte khempeuh, Joktanʼ suante ahi uh hi.

Shemʼ Suanlekhakte

²⁴ Shem, Arpakshad, Shelah,

²⁵ Eber, Peleg, Reu,

²⁶ Serug, Nahor le Terah hi a,

²⁷ tua ciangin Abraham a kici Abram ahi suk uh hi.

Ishmael le Keturah Suanlekhakte

²⁸ Abrahamʼ tapate: Isaac le Ishmael ahi uh hi.

²⁹ Amauʼ khangsimna hih bang ahi hi: Ishmaelʼ tacil Nebaioth ahi hi. Tua ciangin Kedar, Adbeel, Mibsam,

³⁰ Mishma, Dumah, Massa, Hadad, Tema,

³¹ Jetur, Nafish le Kedemah ahi uh hi. Hihte pen Ishmaelʼ tapate ahi uh hi.

³² Abrahamʼ zineu Keturahʼ tapate: Zimran, Jokshan, Medan, Midian, Ishbak le Shuah ahi uh hi. Jokshanʼ tapate: Sheba le Dedan ahi uh hi.

³³ Midianʼ tapate: Efah, Efer, Hanok, Abida le Eldaah ahi uh hi. Hihte khempeuh pen Keturahʼ suanlekhakte ahi uh hi.

Esauʼ Suanlekhakte

³⁴ Abraham pen Isaacʼ pa ahi hi. Isaacʼ tapate Esau le Israel ahi uh hi.

³⁵ Esauʼ tapate: Elifaz, Reuel, Jeush, Jalam le Korah ahi uh hi.

³⁶ Elifazʼ tapate: Teman, Omar, Gatam, Kenaz, Timna le Amalek ahi uh hi.

³⁷ Reuelʼ tapate: Nahath, Zerah, Shammah le Mizzah ahi uh hi.

³⁸ Seirʼ tapate: Lotan, Shobal, Zibeon, Anah, Dishon, Ezer le Dishan ahi uh hi.

³⁹ Lotanʼ tapate Hori le Homam hi uh a, Lotanʼ sanggamnu pen Timna ahi hi.

⁴⁰ Shobalʼ tapate: Alian, Manahath, Ebal, Shefi le Onam ahi uh hi. Zibeonʼ tapate: Aiah le Anah ahi uh hi.

⁴¹ Anahʼ tapa Dishon ahi hi. Dishonʼ tapate: Hamran, Eshban, Ithran le Kheran ahi uh hi.

⁴² Ezerʼ tapate: Bilhan, Zaavan le Jaakan ahi uh hi. Dishanʼ tapate: Uz le Aran ahi uh hi.

⁴³ Israel-te tungah kumpi khat peuhpeuh in a uk ma-in Edom gam sungah a uk kumpite: Beorʼ tapa Bela hi a, ama khuapi min Dinhabah ahi hi.

⁴⁴ Bela a sih ciangin ama tangin Bozrah khuami Zerahʼ tapa Jobab in uk hi.

⁴⁵ Jobab a sih ciangin ama tangin Teman miteʼ gam mi Husham in uk hi.

⁴⁶ Husham a sih ciangin Moab gam sungah Midian mite a zopa, Bedadʼ tapa Hadad in ama tangin uk a, ama khuapi min Avith ahi hi.

⁴⁷ Hadad a sih ciangin ama tangin Masrekah khuami Samlah in uk hi.

⁴⁸ Samlah a sih ciangin ama tangin Eufratis gun gei-a om Rehoboth khuami Shaul in uk hi.

⁴⁹ Shaul a sih ciangin ama tangin Akborʼ tapa Baal-hanan in uk hi.

⁵⁰ Baal-hanan a sih ciangin ama tangin Hadad in uk hi. Ama khuapi min Pai hi a, ama ziʼ min Mehetabel hi a, Mezahabʼ tunu hi a, Matredʼ tanu ahi hi.

⁵¹ Tua ciangin Hadad si hi. Edom ukpite: Ukpi Timna, Aliah, Jetheth,

⁵² Oholibamah, Elah, Pinon,

⁵³ Kenaz, Teman, Mibzar,

⁵⁴ Magdiel le Iram hi uh a, hihte pen Edom ukpite ahi uh hi.