Mateus 1 - Tradução Bíblica Pacaas Novos

Oro hwanana nucun Jeju Cristo

¹ Je i ca' ca xirao' to xine wixicocon oro hwanana nucun Jeju Cristo pane. Judeu nana. Hwanana ne non taramaxicon Davi cara pane, hwanana ne non Abraão cara pane quem.

² Abraão ma', wanxi' ac con na Isaque. Isaque ma', wanxi' ac con na Jacó. Jacó ma', wanxi' ac con na Judá cocon oro xurucun.

³ Judá ma', wanxi' ac con na Peres con Zera. Wiricam Tamar co wijima non Peres con Zera. Peres ma', wanxi' ac con na Esrom. Esrom ma', wanxi' ac con na Arão.

⁴ Arão ma', wanxi' ac con na Aminadabe. Aminadabe ma', wanxi' ac con na Nasom. Nasom ma', wanxi' ac con na Salmom.

⁵ Salmom ma', wanxi' ac con na Boaz. Wiricam Raabe co wijima non Boaz. Boaz ma', wanxi' ac con na Obede. Wiricam Rute co wijima non Obede. Obede ma', wanxi' ac con na Jessé.

⁶ Jessé ma', wanxi' ac con na Davi co taramaxicon pane. Davi ma', wanxi' ac con na Salomão. Wiricam wara manacon Urias co wijima non Salomão.

⁷ Salomão ma', wanxi' ac con na Roboão. Roboão ma', wanxi' ac con na Abias. Abias ma', wanxi' ac con na Asa.

⁸ Asa ma', wanxi' ac con na Josafá. Josafá ma', wanxi' ac con na Jorão. Jorão ma', wanxi' ac con na Uzias.

⁹ Uzias ma', wanxi' ac con na Jotão. Jotão ma', wanxi' ac con na Acaz. Acaz ma', wanxi' ac con na Ezequias.

¹⁰ Ezequias ma', wanxi' ac con na Manassés. Manassés ma', wanxi' ac con na Amom. Amom ma', wanxi' ac con na Josias.

¹¹ Josias ma', wanxi' ac con na Jeconias cocon xurucun. Je i ma' oro xec nein ca quep tococwa oro wari' nein Israel pane, pain ca cut mama' qui' tococwa pain macarain Babilônia pane.

¹² Cut mama' pin iri tata pain Babilônia ne, wanxi' ac con na Salatiel Jeconias. Salatiel ma', wanxi' ac con na Zorobabel.

¹³ Zorobabel ma', wanxi' ac con na Abiúde. Abiúde ma', wanxi' ac con na Eliaquim. Eliaquim ma', wanxi' ac con na Azor.

¹⁴ Azor ma', wanxi' ac con na Sadoque. Sadoque ma', wanxi' ac con na Aquim. Aquim ma', wanxi' ac con na Eliúde.

¹⁵ Eliúde ma', wanxi' ac con na Eleazar. Eleazar ma', wanxi' ac con na Matã. Matã ma', wanxi' ac con na Jacó.

¹⁶ Jacó ma', wanxi' ac con na José. José ma', an ac cam na Maria co wijima non Jeju. Jeju ma', wirico co Cristo ma', ac i ma' na ca tomi' cocon oro wari' quem.

¹⁷ Ac i ma' nana oro hwanana nucun Jeju pane. Ma' 3 na ca cut in to ni cut in to ni xam' xucucun oro waram winacocon hwanana nucun. Wanxi' cain' non Isaque Abraão, wanxi' tiquin' wanxi' tiquin', ma' 14 pin iri na ca wanxi' tiquin' nucucun waram winacocon ne, hwet ac cocon na Davi. Wanxi' ac con Salomão na Davi. Wanxi' tiquin' wanxi' tiquin', ma' 14 pin iri na ca wanxi' tiquin' nucucun ne, hwet ac cocon na Jeconias cocon oro win ma' ca co cut mama' wawa pain Babilônia. Caram ma' iri nana ne, wanxi' tiquin' wanxi' tiquin', ma' 14 pin iri na ca wanxi' tiquin' nucucun ne, hwet ac cacam na Maria co wijima non Cristo pane.

Ca pan' qui' nucun Jeju

¹⁸ Ca' na ca pan' qui' nucun Jeju Cristo pane. Jicon ma', Maria ma', an tam na José ira. Om ca an querec xequequem, tomi' xo' e' xequequem, nam' ac cama na. Je Tamataracon Iri' Jam ca mi' nam pain ca nam' nequem ma'.

¹⁹ He ac ca na taxicam. Xut xo' taxipa' na taxicam pane. Tomi' ha' taxipa' nain ca xirao' nucun Moisés quem. Je ca an pe pin tam paxi' cam ma' ira. Xi nam' pe ara cama ta na. An pe e' tam, ma' ta om hwet ne wixicam ta na. Om ta tomi' hwet toton oro wari' cam ta na.

²⁰ Pain ca coromicat coromicat wet cain i ma' ne, tohwein' ac con na jam co taramaja mi' non Iri' Jam. Wirico jam co hwet pan non pain ca tohwein' nucun José. José winacon taramaxicon Davi ac con na. Ta hehe ma cam me ta. An ram narima' nem ma', Maria ma'. Je Tamataracon Iri' Jam ca mi' nam pain ca nam' nequem ta na ca tomi' con ma'.

²¹ Pan' qui' ac ca tara cawinacam. O' ma' ac mon tara, Jeju ac mon tara. To' witan toton ara xi' nonon oro win ma' ca ma', mi' toton ara xi' nonon pain ca witan ca' cacain ca wap wa pain ca caracat nucucun quem na ca tomi' con ma'.

²² Je Tamataracon Iri' Jam ca mi' nam pain ca nam' wa pane. Ma' ta hwet ne capija ca wara tomi' pe ta' pane, pain ca tomi' hwet rain ta ton profeta pane na Iri' Jam. Ca' na con:

²³ Nam' tara xojam' co om tape. Pan' qui' ac ca tara cawinacam. O' ma' ac cocon tara, Emanuel ac cocon tara ta. Ac i ma' na ca wara tomi' pe nucun pane. Pain ca Emanuel cocon ma', je i ma' wixicon pain capijaxut pain ca judeu urut ca'. Pe ho' napari' Iri' Jam ta na ca tomi' mao nein.

²⁴ Querec iri na José ne, tomi' ha' ac con na jam co taramaja mi' non Iri' Jam. An ac cam na.

²⁵ An paxi' nam, ane om quep cam ne. Pain ca om pan' querec ca cawinacam ma', om ca quep cam. Om om, pan' qui' ho' na cawinacam. O' ma' ac con na, Jeju ac con na quem.