Tekang Kbuten 5 - Udél Dwata: Gna Kesfasad ne Lomi Kesfasad

Kun ból Adam

¹ Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

² Nifilen logi ne libun ne wen oluhen kul. Yó boluyen kul, “tau.”

³ Timbow deng 130 halay Adam, bud wen ngaen logi, ne mkél béléen. Yó boluyen du Sét.

⁴ Kogolen bè yó, bud metnù 800 halay Adam. Lem yó kem halay yó bud wen kem dumu ngaen.

⁵ Song matay deng 930 ne halayen.

⁶ Timbow deng 105 halay Sét, yóm ngà Adam yó koni, wen ngaen logi. Yó boluyen du Inus.

⁷ Kogolen bè yó, bud metnù 807 halay Sét. Lem yó kem halay yó bud wen kem dumu ngaen.

⁸ Song matay deng kól bè 912 halayen.

⁹ Timbow deng 90 halay Inus, wen ngaen logi. Yó boluyen du Kinan.

¹⁰ Kogolen bè yó, bud metnù 815 halay Inus. Lem yó kem halay yó bud wen kem dumu ngaen.

¹¹ Song matay deng 905 halayen.

¹² Timbow deng 70 halay Kinan, wen ngaen logi. Yó boluyen du Mahalalil.

¹³ Kogolen bè yó, bud metnù 840 halay Kinan. Lem yó kem halay yó bud wen kem dumu ngaen.

¹⁴ Song matay deng 910 halayen.

¹⁵ Timbow deng 65 halay Mahalalil, wen ngaen logi. Yó boluyen du Jaréd.

¹⁶ Kogolen bè yó, bud metnù 830 halay Mahalalil. Lem yó kem halay yó bud wen kem dumu ngaen.

¹⁷ Song matay deng 895 halayen.

¹⁸ Timbow deng 162 halay Jaréd, wen ngaen logi. Yó boluyen du Inuk.

¹⁹ Kogolen bè yó, bud metnù 800 halay Jaréd. Lem yó kem halay yó bud wen kem dumu ngaen.

²⁰ Song matay deng 962 halayen.

²¹ Timbow deng 65 halay Inuk, wen ngaen logi. Yó boluyen du Mitusila.

²² Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

²³ Yó kegen Inuk mowil, 365 halay.

²⁴ Bè yóm klawihen mowil tey tilob kesetngón le Dwata, ominen tódô lana abay se tódô hbatun Dwata.

²⁵ Timbow deng 187 halay Mitusila, wen ngaen logi. Yó boluyen du Lamik.

²⁶ Kogolen bè yó, bud metnù 782 halay Mitusila. Lem yó kem halay yó bud wen kem dumu ngaen.

²⁷ Song matay deng 969 halayen.

²⁸ Timbow deng 182 halay Lamik, wen ngaen logi

²⁹ ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

³⁰ Kogolen bè yó, bud metnù 595 halay Lamik. Lem yó kem halay yó bud wen kem dumu ngaen.

³¹ Song matay deng 777 halayen.

³² Timbow deng 500 halay Nuwa, wen tlu ngaen logi. Yó boluy le, Sém ne Ham ne Jafit.