Lista 6 - Udél Dwata: Gna Kesfasad ne Lomi Kesfasad

Udél le muyag yó kem tau Israél

²² Yó udél Dwata ebè Musis, monen,

²³ “Tulónem ke Aron ne yó kem ngaen logi, ni se mò udél le ebè yó kem tau Israél ke sok nuyag le lu, mon le,

²⁴ ‘Dwata he tendo muyag kuy ne kmudung kuy.

²⁵ Dwata he tendo tmóbóng kuy ne hegfan du bélê ye yóm tey kehyu nawahen.

²⁶ Dwata he tendo minguy kuy ne bemlay kuy kenek nawa.’ ”

²⁷ Ne yó udél Dwata, monen, “Bè yóm kuyag le Aron kul yó kem tau Israél mò gónón gdilô yóm kfunu kul ne ou se yóm muyag kul yó.” Là gomongen bè nili yóm tsaptér 7. Tulónen yóm kul gel blay ebè Dwata yó kem tau gel malak yó kem tau Israél bè yóm kehdà le yóm Gónô Dwata. Là gomongen bè nili yóm tsaptér 8. Tulónen yóm kmò khólós yó kem sfu Libay ne yóm kmò kehetfing le kul ebè Dwata.