Kem Lingón 70 - Udél Dwata: Gna Kesfasad ne Lomi Kesfasad

Lingón Dabid

¹ Ó Dwata, hol hewaem ou. Holi hetlasik tnóbóngem ou.

² Hol nmoem gónó le myak ne gónó le slaf yó kem tau tô malu hmatay dou. Ne yó kem tau tendo hligal bè yóm kwen hlayamu, hol nmoem gónó le mulék myak se kul.

³ Hol sidek ketnga le bè kyak le yó kem tau tendo gel mon du, “Wóyón dé, deng guta tekuy.”

⁴ Okóm kul yó kem tau mebel kóm, yake hol le hligal ebéléem. Ne yó kem tau hemmóyô du yóm kehewaem kul, hol le tendo mensag dé, yó mon le, “Tey alì geta yóm Dwata.”

⁵ Okóm dou, laen dù kgisu, ne laen dù gmou. Hetlasiki tnóbóngem ou, Dwata. Són uu yóm gel tmóbóng dou ne gel lemwà dou. Ó Dwata, béi tlek hanggà.