Kem Lingón 20 - Udél Dwata: Gna Kesfasad ne Lomi Kesfasad

Kni Dabid bè Dwata anì gemmò yóm hol geta mogot kul

¹ Dwata he malà kóm bè yó kem hnihem béléen ke wen gfà sut béléem. Yó hem Dwata tehe gónó Jakub hemtahu tendo gel mofin kóm.

² Du he hol hemwit kóm tóbóng gu ditu bè Gónóen bè kun benwu bè Bulul Sayun.

³ Hol henmóyô Dwata he yó kem blayem du, ne hol hligal du he yó kem gel dsuem ebéléen.

⁴ Hol blayen kóm he yóm sen-galu nawahem, ne hol hbalingen yóm kdê deng atulem.

⁵ Ke yó nmò Dwata béléem, ngem kà gotu me hligal mensag. Hnigal me yóm kegmoem, hlan me bè kdóyón me ke Dwata. Dwata he malà du yóm kdê gel hnihem béléen.

⁶ Yóm tau hol geta deng nélék Dwata, tngónu sal gel hegmoen bè yó kem hohonen. Ditu bè kun benwu bè longit gónón lemwót tmóbóng du. Lemwót bè kun kfasang Dwata gónón gemmò bè yó kem hohonen.

⁷ Yó kem dumu tau, tey ksalig le bè yó kem klitun gel nit le sgida ne bè yó kem kudà le. Okóm kum, tódô snalig me yóm kfasang Dwata yóm kum Dwata gónó mogot.

⁸ Yó kem tau yó koni, angat le mom tlokob du ne masà du yóm tô snalig le. Okóm kum, là kô me na a masà, mbegel kdà me.

⁹ Ó Dwata, hol hegmoem yóm tau hol geta bélê me. Bnalaem yóm gel ktaba me ebéléem.