Kem Lingón 150 - Udél Dwata: Gna Kesfasad ne Lomi Kesfasad

¹ Hol dóyón tekuy Dwata. Hol dóyón tekuy Dwata ditu bè yóm kun Gónô. Hol dóyón tekuy yóm alì kfasangen bè longit.

² Hol dóyón tekuy yóm tey gendengen. Hol dóyón tekuy yóm alì kegetahen.

³ Hol dóyón tekuy Dwata mlan bè féw. Hol dóyón tekuy mlan bè yó kem dê kay kenbit te.

⁴ Hol dóyón tekuy mlan bè tnonggong ne bè kadal. Hol dóyón tekuy mlan bè yó kem dumu gel kenbit te ne bè yó kem nyuf te.

⁵ Hol dóyón tekuy Dwata mlan bè yó kem alì muni gel sendofì te.

⁶ Yóm kdê tekuy mowil te tonok, hol dóyón tekuy Dwata se kut. Hol gel dóyón tekuy dé Dwata.