Kem Lingón 136 - Udél Dwata: Gna Kesfasad ne Lomi Kesfasad

¹ Hol dóyón tekuy Dwata, yakà teyen hyu yóm Dwata tekuy. Laen kô dù tul sónen yóm kbong nawahen tekuy là monolen.

² Hol dóyón tekuy yóm Dwata bè kdéen dwata, Laen kô dù tul sónen yóm kbong nawahen tekuy là monolen.

³ Hol dóyón tekuy Dwata, yóm tahu gónó mogot bè kdéen gónó mogot. Laen kô dù tul sónen yóm kbong nawahen tekuy là monolen.

⁴ Hol dóyón tekuy Dwata, tek són du gembek mò du yó kem tey hentaw ton. Laen kô dù tul sónen yóm kbong nawahen tekuy là monolen.

⁵ Hol dóyón tekuy Dwata, lemwót bè yóm kun khulung gónón mò du yóm longit. Laen kô tul sónen yóm kbong nawahen tekuy là monolen.

⁶ Hol dóyón tekuy Dwata, gbeken hemsù du ta él yóm tonok. Laen kô dù tul sónen yóm kbong nawahen tekuy là monolen.

⁷ Hol dóyón tekuy Dwata, gbeken mò du yó kem mnóng gu bè longit. Laen kô dù tul sónen yóm kbong nawahen tekuy là monolen.

⁸ Nmoen yóm kdaw mò mnóng kemdaw. Laen kô dù tul sónen yóm kbong nawahen tekuy là monolen.

⁹ Nmoen yóm bulón ne yó kem blotik mò mnóng ke kifu. Laen kô dù tul sónen yóm kbong nawahen tekuy là monolen.

¹⁰ Hol dóyón tekuy Dwata, gotu hnatayen yó kem ngà logi twogu bè yó kem tau Idyip. Laen kô dù tul sónen yóm kbong nawahen tekuy là monolen.

¹¹ Gbeken mit kul hewà gu bè Idyip yó kem tau Israél. Laen kô dù tul sónen yóm kbong nawahen tekuy là monolen.

¹² Hewaen lu lemwót bè yóm tey kgisen. Laen kô dù tul sónen yóm kbong nawahen tekuy là monolen.

¹³ Hol dóyón tekuy Dwata, yóm semsólól yóm Mohin Hulô. Laen kô dù tul sónen yóm kbong nawahen tekuy là monolen.

¹⁴ Ne hlanen lemen se yó kem tau Israél. Laen kô dù tul sónen yóm kbong nawahen tekuy là monolen.

¹⁵ Okóm gotu hneben lu lem Mohin Hulô le Faro yóm tau hol geta ne yó kem sendaluen. Laen kô dù tul sónen yóm kbong nawahen tekuy là monolen.

¹⁶ Hol dóyón tekuy Dwata, yóm malak yó kem tauhen lem yóm benwu laen hol wen tauhen. Laen kô dù tul sónen yóm kbong nawahen tekuy là monolen.

¹⁷ Hol dóyón tekuy Dwata, yóm gemlà yó kem tau hol geta alì gembek. Laen kô dù tul sónen yóm kbong nawahen tekuy là monolen.

¹⁸ Hnatayen yó kem tau hol geta alì mfasang. Laen kô dù tul sónen yóm kbong nawahen tekuy là monolen.

¹⁹ Hnatayen Sihon yóm tau hol geta bè yó kem tau Amurayt. Laen kô dù tul sónen yóm kbong nawahen tekuy là monolen.

²⁰ Bud hnatayen Og yóm tau hol geta bè yó kem tau bè Basan. Laen kô dù tul sónen yóm kbong nawahen tekuy là monolen.

²¹ Gotu nwahen yó kem tonok le, ne blayen bè yó kem tauhen mò kul nfun. Laen kô dù tul sónen yóm kbong nawahen tekuy là monolen.

²² Gotu hfunen yó kem tau Israél, kem tau tóbóng lówóhen. Laen kô dù tul sónen yóm kbong nawan tekuy là monolen.

²³ Là kô klifóten du yóm tehe gónó tekuy là gemmò bè yó kem hohon tekuy. Laen kô dù tul sónen yóm kbong nawahen tekuy là monolen.

²⁴ Deng lenwaen tekuy lem hólól yó kem hohon tekuy. Laen kô dù tul sónen yóm kbong nawahen tekuy là monolen.

²⁵ Gotu benlayen ken yóm kdéen mowil talak tonok. Laen kô dù tul sónen yóm kbong nawahen tekuy là monolen.

²⁶ Hol dóyón tekuy yóm Dwata nô bè longit. Laen kô dù tul sónen yóm kbong nawahen tekuy là monolen.