Kem Lingón 129 - Udél Dwata: Gna Kesfasad ne Lomi Kesfasad

Sngal bè yóm kneged le ebè Jirusalim

¹ Lemwót bè hanà kudiu yóm tendo kehsidek le do yó kem hohonu, ni se yóm mon yó kem tau Israél,

² lemwót bè hanà kudiu yóm tendo kehsidek le do kem hohonu, okóm là kô ghatay le do.

³ Tódô tfeng kwangu halì, lómón tô lan dmadu.

⁴ Okóm tey hyu yóm Dwata, fen hentohen yóm fét le do yó kem tau gel mò sidek.

⁵ Yó kem tau mutó nawa ke Jirusalim, hol le mulék myak du he yóm là kegmò le.

⁶ Hol le mkél bè yó kem ngà bnes tmowok te ketef, là dengen tahà towoken deng sana mékéng.

⁷ Laen dù muhen bè yó kem tau muta, dalang se bè yó kem tau fen gel bemkes.

⁸ Laen dù bè yó kem tau mius bélê le ke wen mon du, “Dwata he hol tmóbóng kuy. Hlan me nim mon me ni bè boluy Dwata.”