Kem Lingón 127 - Udél Dwata: Gna Kesfasad ne Lomi Kesfasad

Sngal bè yóm kneged le ebè Jirusalim. Lingón Selumun.

¹ Ke là lemwóten bè Dwata yóm hdà gónô, olon gamà liteg le yó kem tau hdà du. Ke là bnentey Dwata du yóm benwu, olon gamà liteg le yó kem tau mentey du.

² Yóm tau mebel klowil, baluen ke temkifu mò nmò, ne song tungô ke deng tey nelem kifu, olon gamà litegen ke là lemwóten bè Dwata. Abay se yóm Dwata, balù igò le tolo tungô yó kem tau kenbong nawahen, deng eles hentifesen ne yóm mò klowil le elem haya.

³ Yó kem ngà, tódô basa lemwót bè Dwata lu se mò ofol lemwót béléen.

⁴ Yó kem ngà yóm logi yóm lomi lemnok, hol lómón ke yó kem hanak nwit yóm sendalù.

⁵ Tey kligalen yóm tau ke wadag hanaken. Là kô le gemmò béléen yó kem hohonen anien ke ston le bè gónô skukum.