Kem Lingón 124 - Udél Dwata: Gna Kesfasad ne Lomi Kesfasad

Sngal bè yóm kneged le ebè Jirusalim. Lingón Dabid

¹ Ó kem tau Israél, mò kmoen de ke tehe là deng nfi Dwata tekuy? Hol bnalà ye o kun.

² Ke tehe là deng nfi Dwata tekuy bè yóm tehe kuluk yó kem hohon tekuy,

³ deng tekuy gotu meglà matay ne, bà mon yóm tey sidek kebut le tekuy.

⁴ Ke tehe là tnóbóngen tekuy Dwata, hol lómón ke deng gesloben tekuy yóm tey dunuk mamà.

⁵ Deng tekuy gotu lemneb ne bè yóm tey dunuk mamà yó.

⁶ Hol dóyón tekuy Dwata, abay se hensengen yó kem hohon tekuy bè yóm tô keglà le tekuy.

⁷ Deng tekuy gewà lem tdok le, lómón yóm onuk lem bnes gewà lem yóm holot le du. Deng hto yóm tô holot le tekuy, là bud tekuy gfét lemen.

⁸ Tek són Dwata yóm tmóbóng tekuy yóm Dwata tehe mò longit ne tonok.