Kem Lingón 122 - Udél Dwata: Gna Kesfasad ne Lomi Kesfasad

Sngal bè yóm kneged le ebè Jirusalim. Lingón Dabid

¹ Tey kehyu nawahu gemnóm du yóm kmon le du mò do, “Lemwót tekuy ne, mógów kuy ebè Gónô Dwata.”

² Duhen yó, deng kuy mdà bè ni lem ni kem bak tikeb yóm beng hmilol Jirusalim.

³ Deng tey tilob kehefdà le du nim Jirusalim mlan bè yóm tey tilob kessatul le du.

⁴ Bè ni se gónó le gel stifun yóm kdéen tau Israél mò gónó le gel dmóyón ke Dwata. Nim gel nmò le ni, tódô lolò le yóm tehe hlau Dwata kul.

⁵ Bè ni snéen gónó le tehe gel myón kmukum yó kem tau hol geta mogot benwu bélê le.

⁶ Hol tekuy gel mni bè Dwata anì menek nim benwu Jirusalim, yó mon te, “Dwata he hemtilob kógów klowil le yó kem tau kembong nawa du yóm Jirusalim.

⁷ Dwata he hol henek du yóm benwu yó, ne hol nofinen yó kem tau mogot du.”

⁸ Yó gónóhu mni du yóm kenek Jirusalim, yakà wen yó kem dumuhu setwoli ne yó kem weu nô lemen.

⁹ Sotuhen, mdà bè yó yóm Gónô Dwata yóm Dwata gónó tekuy mogot. Yó gónóm mon, hol hnihu yóm kehyuhen yóm Jirusalim.