Kem Lingón 121 - Udél Dwata: Gna Kesfasad ne Lomi Kesfasad

Sngal bè yóm kneged le ebè Jirusalim

¹ Temngele ebè yó kem bulul, yó hendemu, gónón gu lemwót de yóm tmóbóng do?

² Tódô tngónu, Dwata yóm angat tmóbóng do, yóm Dwata tehe mò longit ne tonok.

³ Là kô bayaen kóm bè yóm gónóm btang. Yóm mofin kóm, là kóen tlek tungô.

⁴ Tahu se, yóm mofin yó kem tau Israél, là kóen gulof duhen ke tungô.

⁵ Dwata se yóm mentey kóm. Eles nô klohokem mò mofin kóm.

⁶ Là kô gehsideken kóm yóm nóng kdaw ke kemdaw, duhen ke nóng bulón ke kifu.

⁷ Tendo nofin Dwata uu bè yó kem sidek, là kô bayaen kóm.

⁸ Tendo nofin Dwata uu bè yóm gel kógówem lenwóten ni laen kô dù tul sónen.