Kem Lingón 120 - Udél Dwata: Gna Kesfasad ne Lomi Kesfasad

Sngal bè yóm kneged le ebè Jirusalim

¹ Bè yóm tehe kwen gfau, tmabahe ebè Dwata, ne bnalaen o.

² Yó tabahu, “Lenwaem ou, Dwata, bè yó kem tau gel mò kéng, ne bè yó kem tau gel smukat.”

³ Yu kem tau gel mò kéng, tedu se angat nmò Dwata bélê ye? Tedu se kmò angat ktafaken kuy?

⁴ Yó angat tafaken kuy, duhen yóm hanak sendalù alì telem, ne yóm bala ofi kemyóngón.

⁵ Tey sidek kegnómu du yóm knóu lem blóng ye, lómón ke nóe bè benwu Misak ne bè benwu Kidar.

⁶ Tey kegenu nô lem blóng yó kem tau kenbê le ke menek benwu.

⁷ Ke yó dou udél gbak bè kenek kbenwu, mom yó kul, mit le sgida.